© २०२३
७ पुष २०८२, सोमबार
७ पुष २०८२, सोमबार
बुटवल, २० असार ।
दैनिक गुजारा चलाउनै धौ–धौ हुने झिमरुक गाउँपालिका–४ लेडमेला प्यूठानका दिल बहादुर सुनार र तुल्सा सुनारले छोरी रुखबाट लडेर घाइते भएपछि अस्पतालबाट सहयोगको लागि हारगुहार गरेका छन् । १८ वर्षीय छोरी अस्मिता सुनार केही दिन अघि दिदीको घरमा गएको बेला झिमरुक–६ चिसावाङस्थित चिरायू माविको आँपको रुखबाट लडेर गम्भीर घाइते भएकी हुन् ।
उपचारमा करिव पाँच लाख रुपैयाँ बरावर खर्च लाग्ने भएपछि सुनार दम्पत्तीलई रातमा निद्रा र दिनमा भोक परेको छैन । जसोतसो अस्पतालसम्म उपचारका लागि ल्याइ पु¥याएपनि लाखौँ रुपैयाँको जोहो गर्न उनीहरुलाई अहिले सपनाजस्तै लागेको छ ।
बुटवलस्थित लुम्बिनी सिटी अस्पतालबाट सुनार दम्पत्तीले छोरीको उपचारमा सहयोग गरिदिन सार्वजनिक अपिल समेत गरेका छन् । विपन्न परिवारमा हुर्केकी अस्मिता पढ्दापढ्दै बीचमै छाडेकी थिइन् । गतवर्ष आफै लडेर घाइते भएका दिल बहादुरको एक लाख रुपैयाँ भन्दा बढी खर्च लागेर ऋणकै भारी अझै नसकिएको सुनारले दुःखेसो सुनाए ।
‘मेरै उपचारको ऋण तिर्न बाँकी छ’, दिल बहादुरले विलौना पोख्दै भने, ‘यसैमाथि छोरीमाथि यस्तो बज्रपात आइलाग्यो ।’ विपन्न दम्पत्तीले दैनिक मजदुरी गरेर जिविका चलाउँछन् ।
© २०२३
सर्वाधिकार सुरक्षित
Design & Developed By:
