खोज

कपिलवस्तु, १८ असार    युवराज सिद्धार्थले राजसी सुखसयल त्यागेर ज्ञान प्राप्तिका लागि हिडेको दिनको स्मरण गर्दै कपिलवस्तुमा महाभिनिष्क्रमण दिवस मनाउन थालिएको छ । कपिलवस्तु स्थित राजप्रासाद तिलौराकोटमा असार १८ गते सोमवार राति महाभिनिष्क्रमण दिवस मनाइने छ । बुद्ध सर्किट नेपाल र गच्छामी मिडिया ग्रुपको सयुक्त आयोजनामा हुने दिवसको कार्यक्रमलाई लुम्बिनी विकास कोष, पर्यटन विकास परिषद् लुम्बिनी प्रदेशको सहयोग गरेका छन् । त्यसैगरि कपिलवस्तु टुरिजमले समन्वयकर्ताको भुमिका निर्वाह गर्ने छ । दिवसमा तिलौराकोटस्थित पूर्वी गेटको महाभिनिष्क्रमण द्वारमा सोमवार मध्यरातमा मनाउदै आएको छ ।

आज भन्दा २ हजार ६ सय १८ वर्ष अघि राजकुमार सिद्धार्थले दरबार छाडेर गएको झल्को दिने गरि राति १२ बजे तौलिहवाका एक शाक्यपुत्र घोडा चढेर निस्केपछि यो पर्व विधिवत् रूपमा शुरु हुने जनाईएको छ ।
असार पुर्णिमाका दिन राजकुमार सिद्धार्थ कठोर निर्णय गर्दै ज्ञानको खोजीमा आजभन्दा २ हजार ६ सय १८ वर्ष अघि मध्य रात राजप्रासाद र परिवार त्यागेर निस्केका थिए । उक्त ऐतिहासिक घटना ब्यूताउदै पर्यटकीय आकर्षण बढाउन केहि बर्ष यता देखी महाभिनिष्क्रमण दिवस मनाउन थालिएको कपिलवस्तु टुरिजम अध्यक्ष मनोजकुमार श्रीवास्तबले जानकारी दिए ।

नौलो पर्यटकीय गन्तब्य बनाएर पर्यटकलाई आर्कषित गर्न दिवस उजागर गरिएको उनले प्रष्ट्याए । कार्यक्रममा नेपाल स्थित श्रीलंकाका कार्यवाहक राजदूत निलुसा डिल्मिनी सहभागी हुनेछिन । त्यस्तै लुम्बिनीस्थित विभिन्न मुलुकका भिक्षु, लुम्बिनी विकास कोषका पदाधिकारी र उपासक उपासिका सहभागी हुनेछन् । शान्तिमै रमाउने र आनन्दित हुनेका लागि स्वर्गभन्दा बढी पुण्य संचय हुने हुँदा यस्को राम्रो ब्राण्डिङ आवश्यक रहेको रहेको कार्यक्रमको परिकल्पनाकार पर्यटन ईलमी बिक्रम पाँडेकाजीले बताए । यसका लागि सरोकारवालाको सहयोग आवश्यक रहेको उनले प्रष्ट्याए ।