खोज

बुटवल, १५ असार  गुल्मीका चिन्तामणी न्यौपाने (लक्ष्मण) को हस्पिटालिटी क्षेत्रमा छुट्टै पहिचान बनेको छ । उनै न्यौपाने कुनैबेला रोजगारका लागि भारतका विभिन्न कम्पनीमा दुख गरे । गाउमा हुर्केका उनि दुई दशक अघि बाध्यताकै कारण प्रवास छिरे । भारतमा रोजगारमा केही समय बिताए । तर उनको मन त्यहाँ लागेन । गाउ फर्किएका उनी केही समय बिजनेशको योजना बुने । उनमा स्वदेशमै केही गरौ भन्ने भावना थियो । देशमा शसस्त्र युद्धको बेला चलेको थियो । यस्तोमा उनले आफनो योजना बनाएर कैलालीको टिकापुरमा पुगे । टिकापुर केरा उत्पादनमा ख्याती कमाएको ठाउ हो । बिस २०५४ सालमा केराको आईटमसहित कैलालीको टिकापुरमा न्यौपानेले खाजा पसल खोले । गाउले स्तरको खाजा पसल छोटोसमयमा ख्याती कमायो । उपभोक्तामाझ टिकापुरमा सिद्धार्थको नाम चल्यो । उनी हौसिए । साथीहरु मिलेर उनले सिद्धार्थ बिजनेश ग्रुप अफ हस्पिटालिटी मार्फत काम अघि बढाए । बुटवलमा सिद्धार्थ कटेज शुरु गरे । योसंगै उनको सफलताको उचाई चुम्यो । नेपालकै पर्यटन विकासमा निजि क्षेत्रबाट यो ग्रुपको योगदान महत्वपूर्ण छ ।
विहिबार ग्रुपको पहिलो पाच तारे होटल भैरहवामा शुभारम्भ गरेको छ । प्रालिका अध्यक्ष चिन्तामणि न्यौपाने (लक्ष्मण) ले विश्वमा शान्ति र सिद्धार्थको सम्बन्ध जोडेर पर्यटन क्षेत्रमा योगदान दिने गरि लगानी गरिएको बताए । देशको आर्थिक समृद्धिसंग जोडिएको पर्यटनको क्षेत्रमा आफुहरुले निरन्तर योगदान दिदै आएको छ । भिलासाको २०७६ बैशाख १ गतेदेखि शुरु गरे लगत्तै कोभिड संक्रमणबाट विश्व नै कठिनाईमा गुज्रेको बेलामा पनि आफुहरु काम पूरा गर्न सकेको उनले दाबी गरे । होटल पुर्ण रुपमा संचालन हुदा साढे २ अर्ब रहेको छ । जसमा ८० प्रतिशत बैक लगानी रहेको छ । ‘प्रालिमा ४२ जना लगानीकर्ता छन ।’—उनले भने ।
सिद्धार्थ बिजनेश ग्रुप अफ हस्पिटालिटीका सदस्य सचिव महेन्द्र न्यौपानेले २५ वर्षअघि टिकापुरबाट खाजा पसलबाट शुरु गरेर पाच तारेमा पुगेको बताए । होटलमा ७६ डिलक्स, ६ जुनियर स्वीट, २ स्वीट र एउटा प्रेसिडेन्ट स्वीट रुम रहेका छन । यसैगरि लबि लाउन्ज, अल डे डाईनिङ, रुफ टप रुष्टुरेन्ट तथा स्विमिङ पुल, फिटनेश जिम हल, स्पा, साउना, ज्याकुजीसहितको हेल्थ क्लब सेवा, लग टेनिस कोर्ट, गार्डेन, पार्किङस्थलसहित पर्यटनसंग सम्बन्धित नेपालकै सबेभन्दा ठुला सभाहल, ३ सेमिनार हल र मिटिङ रुमसमेत छ । करीब साढे २ अर्ब लगानी रहेको होटल पुर्ण संचालन आउदा ३ सय कर्मचारीहरुले रोजगार पाउने उनले बताए ।
औपचारिक कार्यक्रममा नेपाल पत्रकार महासंघका रुपन्देही रामराज पोखरेल, लुम्बिनी प्रदेशका महासचिव बिक्रम खड्का, लुम्बिनी प्रेस क्लबका अध्यक्ष सम्झना शर्मा, भिलासाका संचालक समितिका उपाध्यक्ष कृष्ण भण्डारी, संचालक समिति सदस्य पुस्कल न्यौपाने, शेखर ढुगाना, सिईयो कृष्ण न्यौपाने, योगराज कंडेलले पर्यटन विकासमा सरकारको चासो बढ्नुपर्ने बताए ।

बुद्ध चिनाउने भिलासा

पाच तारे होटल नाम अनुसार नै बुद्ध र लुम्बिनीलाई चिनाउने गरि पुर्वाधार निमार्ण र नामाकरण गरिएको छ । जनरल म्यानेजर काशी अधिकारीले नामजस्तै सिद्धार्थ होटलमा बुद्ध र लुम्बिनीको झल्को दिने गरि नामाकरण र पुर्वाधारमा जोड दिएको बताए । ‘हस्पिटालिटीको लक्जरी प्रपटी मुख्य रुपमा ३ प्रकारका छन ।’—उनले भने । जसमा भिलासा, बैभव र बाटिका मुख्य हुन । अन्तराष्ट्रिय स्तरको सुविधासम्पन्न पहिलो पाच तारे होटल भिलासा सिद्धार्थनगरमा शुभारम्भ गरिएको उनले बताए । चार स्टार र थ्रि स्टार लेभलको बैभव तथा सिद्धार्थ बाटिका रहेका छन । यसैगरि सिद्धार्थ कटेज, एस क्याफे ६ वटा शाखा रहेका छन । होटलमा सिद्धार्थ उत्सव बैन्कट हलहरुको सुविधा छ ।
भिलासाका हलहरुको नामाकरण अमोगासिद्घी, रत्नासम्भव, बिरोकाना, अचुभया राखिएको छ जुन बुद्धसंग जोडिएको छ । करीब १६ हजार स्क्वायर फिटमा निर्माण भएको १२ सय क्षमताको अमोगासिद्घी हल, २२ स्क्वायर फिटमा बनेको २ सय ५० क्षमताको रत्नासम्भव हल, ५ सय ७६ स्क्वायर फिटमा बनेको बिरोकाना ४० जना क्षमता र अचुभया हल समेत छ । यसैगरि माया रेष्टुरेन्ट, टोसा रुफ टप रेष्टुरेन्ट एण्ड बार, कुण्ड स्विमिङ पुल रहेका छन । असोजबाट क्यासिनो सबै सेवा दिईने उनले बताए ।

हस्पिटालिटीदेखि आइटी र कृषि शिक्षासम्म लगानी

यो ग्रुपले हस्पिटालिटी क्षेत्रसंगै शिक्षा, आईटी, कृषि लगायत धेरै क्षेत्रमा हात हालेको छ । जुम्लाको लाम्रा, चितवनको सौराहा, ईलामको कन्याम चियाबगान रिसोर्ट तथा पाल्पामा कृषि पर्यटन बिस्तार गर्ने लक्ष्य रहेको प्रालिका अध्यक्ष चिन्तामणि न्यौपाने (लक्ष्मण) ले बताए । यसैगरि ट्रेकिङतर्फ सिद्धार्थ हस्पिटालिटी मार्ट र आईटीतर्फ सर्व टेक्नोलोजी, कृषि उत्पादनमा बायोटिका, शिक्षातर्फ सिद्धार्थ ईन्ट्युट अफ हस्पिटालिटी ब्राण्डसम्म लग्ने योजना रहेको उनले बताए । देशभर एस क्याफे, ३२ वटा ब्यवसायिक केन्द्र र शाखामार्फत गुणस्तरीय हस्पिटालिटी सेवा ब्यवस्थापकिय साझेदारीमा गर्दै आएको छ । देशभर हस्पिटालिटीबाट १ हजार ६ सय जनाले रोजगार पाएका छन ।