खोज

कपिलवस्तु ९ असार ।  कपिलवस्तु जिल्ला अस्पताललाई स्तरवृद्धि गरि डाईलासिस सेवा बिस्तार गरिने भएको छ । नेपाली काँग्रेस जिल्ला कार्य समिति कपिलवस्तुले तौलिहवामा आयोजना गरेको अन्तरक्रिया कार्यक्रममा लुम्बिनी प्रदेशका स्वास्थ्यमन्त्री राजु खनालले अस्पताललाई स्तरवृद्धि गरेर छिट्टै डाईलासिस सेवा सेवा शुरु हुने प्रतिवद्धता जनाए । दुबै मृगौला खराब भई डायलासिस गर्न तौलिहवाभन्दा बाहिर जानुपर्ने बिरामीहरुलाई लक्षित गरि सेवा बिस्तारमा आफु लागेको बताए ।  पार्टीका लुम्बिनी प्रदेश उपसभापति समेत रहेका खनालले महामारीका समयमा औषधी लगायतका आवश्यक सामाग्री ढुवानीमा सहजताका लागी स्वास्थ्य कार्यालयलाई सवारीको सहज उपलब्धता गराईएको उनले स्पष्ट पारे । कपिलवस्तु अस्पताललाई एक सय शैयामा बिस्तार गरिएको भनिए पनि हालसम्म ऐन नै नभएको भन्दै उनले अस्पताल स्तरवृद्धिको प्रतिबद्धता जनाए ।

पार्टीका नेतृत्वले आफुलाई सच्चाएर जनता केन्द्रित कार्यक्रम लिएर अगाडी बढनु पर्नेमा खनालको जोड थियो । हालको सत्ता समिकरण टुटाउन नहुने र पार्टीका नेता कार्यकर्ताले माथिल्लो पंत्तिलाई सचेत बनाउनु पर्ने काँग्रेसका निर्वतमान केन्द्रिय सदस्य अतहर कमालले बताए । भन्सार कार्यालयले भारतबाट १ सय रुपैयाको सामाग्री मात्रै ल्याउन पाउने व्यवस्था व्यवहारीक नभएको र सिमावर्ति क्षेत्रका नागरिकलाई समस्या पारेको उनले बताए । भन्सार छली र तस्करी गर्नेलाई कडाई गर्ने तर आम नागरिकलाई भारतबाट सामान्य घरायसी सामाग्री ल्याउदा भंसार तिर्नुपर्ने व्यवस्था हटाउन उनले माग गरे । काण्डैकाण्ड गर्ने नेतृत्वको रास्वपालाई राम्रो भन्ने तर काँग्रेस पार्टीको ईतिहास बिर्सने नेता कार्यकर्ता पार्टीमा बस्नुको औचित्य नहुने उनको भनाई थियो । पार्टी संगठित रुपमा अगाडी बढ्नु पर्नेमा लुम्बिनी प्रदेश सदस्य सुधाकर पाण्डेयले जोड दिए । अब पार्टीमा सबैले आत्म समिक्षा गर्ने बेला आएको काँग्रेस पुर्व जिल्ला सभापति राजेश आचार्यले बताए । जिल्लामा संगठन सुदृढिकरणका लागि लुम्बिनी प्रदेश समितिबाट खटिएका प्रतिनिधीहरु सुरेन्द्र लम्साल, भिम बहादुर आले, क्षेत्र नम्बर २ का सभापति केशव कुमार श्रेष्ठ, महिला संघ केन्द्रिय सदस्य बिमला गैरे, पार्टीका जिल्ला सभापति अब्दुल कलाम, सचिव शक्ति सिंह ठकुरी, पार्टी जिल्ला प्रवक्ता ईश्वरी पाण्डे लगायतले पार्टीले नयाँ योजनाका साथ शसक्तिकरणका कार्य अगाडी बढाउनु पर्ने सुझाव दिए ।