© २०२३
२१ मंसिर २०८२, आइतबार
२१ मंसिर २०८२, आइतबार
रोल्पा, ४ असार ।
रोल्पामा जवरजस्ती करणीका एकजना फरार प्रतिवादी ३८ वर्ष पछि पक्राउ परेका छन् । जिल्लाको गंगादेव गाउँपालिका ६ झारखोलाका ६२ वर्षिय प्रतिवादी सरजन राना पक्राउ परेका हुन् ।
उनलाई गत असार १ गते रोल्पाको त्रिवेणी गाउँपालिका वडा नं. ३ कोइलावाट पक्राउ गरिएको प्रहरीले जनाएको छ । पक्राउ परेका प्रतिवादी रानालाई असार ३ गते रोल्पा जिल्ला अदालतमा पठाएको थियो । अदालतको आदेश पछि वाँकी कैद भुक्तानका लागि जिल्ला कारागार कार्यालय रोल्पामा चलान गरिएको जिल्ला प्रहरी कार्यालय रोल्पाका सूचना अधिकारी प्रकाश भुसालले जानकारी दिए । प्रतिवादी रानाको ३ वर्ष ३ महिना १८ दिन कैद भुक्तान गर्न वाँकी रहेको प्रहरीले जानकारी दिएको छ ।
रोल्पा प्रहरीले हालसम्म विभिन्न अभियोगमा फरार रहेका ३७ जना प्रतिवादी पक्राउ गरिसकेको छ । प्रहरीले उनीहरुको ७० वर्ष ११ महिना ४ दिन कैद भुक्तानीका साथै ४ लाख ५४ हजार ६१० रुपैयाँ जरिवाना समेत असुल गरेको प्रहरी प्रवक्ता भुसालको भनाई छ । “सम्मानित अदालतको फैसला कार्यान्वयनका लागि जिल्ला प्रहरी कार्यालय रोल्पा लागि परेको छ”–भुसालले भने ।
© २०२३
सर्वाधिकार सुरक्षित
Design & Developed By:
