खोज

बुटवल, ३१ जेठ

जुन १४ विश्व रक्तदाता दिवसको अवसरमा मानव अधिकार तथा शान्ति समाज रुपन्देही शाखा र नेपाल स्वयंसेवी रक्तदाता समाज, रुपन्देहीले संयुक्त रक्तदान गरेको छ । रक्तसंचार सेवा केन्द्र, ब्लड बैकको प्राविधिक सहयोगमा बुधबार रक्तदान गरेको हो ।
कार्यक्रमको एक समारोहका बिच समाजका केन्द्रीय सल्लाहकार गोबिन्द खनाल, नेपाल स्वयंसेवी रक्तदान समाजका केन्द्रीय महासचिव कृष्ण चौहानले जिल्ला शाखा सभापति कृष्ण भट्टराईलाई ब्लड ब्याग हस्तान्तरण गरि कार्यक्रमको उद्घाटन गरेका छन ।
कार्यक्रममा केन्द्रीय सल्लाहकार गोबिन्द खनालले रक्तदान पुण्य कार्य भएको भन्दै विशेष दिनको अवसरमा पारेर देशब्यापी कार्यक्रम गरिएको बताए । समाजको देशभरका शाखाहरुमा रक्तदान आयोजना गरिएको उनले बताए । शरीरमा प्रत्येक ३ महिनामा नया रगत तयार हुने भएकाले पनि रक्तदान गर्न स्वस्थ्यका हिसाबबाट राम्रो हुने उनको तर्क थियो ।

नेपाल स्वयंसेवी रक्तदान समाजका केन्द्रीय महासचिव कृष्ण चौहानले ब्लड ग्रुपको अभाव देखिएको बताए । रगतको माग धेरै हुने तर दाता सिमित हुदा अभाव देखिने भन्दै नियमित रक्तदानसहित युवाहरुको अग्रसरतामा रक्तदानबाट धेरै लाभ मिलेको बताए ।
कार्यक्रममा समाजका केन्द्रीय सदस्य डिपि खनाल, उपभोक्ता हित संरक्षण मन्च बुटवल नगरका सचिव लिला लुईटेल, समाजका जिल्ला सचिव कृष्ण पाण्डे, रुपन्देही मिष्ठान तथा क्याटरिङ संघका अध्यक्ष लक्ष्मण पोखरेलले आम नागरिकलाई अधिकारको बारेमा सचेत गराउने अभियान चलाउनुपर्नेमा जोड दिए।