खोज

बुटवल, ३१ जेठ ।

‘हामी सेवा गछौं भन्ने मुल नाराका साथ स्थापना भएको लायन्स क्लवहरुको डिष्ट्रिक ३२५ पी नेपालको चौथो क्याबिनेट मिटिङ्ग तथा फेलोसिप कार्यक्रम असार २ गते बुटवलमा हुने भएको छ ।

मगंलबार पत्रकार सम्मेलमा संवोधन गर्दै लायन्स ३२५ पि का एरिया ४ का एरिया चिफ माधव खनाल र एरिया ३ का एरिया चिफ एम.एल पाण्डेले बर्ष भरी गरिएका बिभिन्न सामाजिक कार्यहरुको समीक्षा हुनेछ । क्लबहरुले र डिष्ट्रिकका पदाधिकारी र क्लबहरुका अध्यक्षलाई सामाजिक कार्यको मूल्यांकन गरी सम्मान गरिने बताए । यो बर्षभरी लायन्स क्लवको ईतिहास पुरानो र विश्वव्यापी पहँुच रहेको भन्दै अझै बढी सेवा भावलाई अगाडि बढाउनुपर्ने बताएका हुन् । यो बर्ष गरिएका विभिन्न सामाजिक कार्यक्रमबाट अर्को बर्ष झन् बढी सामाजिक सेवा गर्नेको लागि समिक्षा गरी काम गर्ने क्लबहरुका बिभिन्न प्रोजेक्टलाई आर्थिक ब्यवस्थापन गर्ने र हुन नसकेका प्रोजेक्टलाई अर्को वर्ष गर्ने उत्प्रेणा प्रदान गरिने एरिया चिफ पाण्डेले बताए ।

योगिकुटीमा रहेको होटल पौवामा आयोजना हुने उक्त कार्यक्रममा पाष्ट ईन्टरनेशनल डाईरेक्टर लायन्स नेताहरु, मल्टीपल चियर पर्सन, डिष्ट्रिक गभर्नर नवराज न्यौपाने, सहितका लायन्सका प्रथम भाईस ड्रिष्टक गभर्नर तथा इलेक्ट गभर्नर अर्जुनमान सैजु, द्वितीय भाईस डिष्ट्रिक गभर्नर तथा इलेक्ट प्रथम भाइस गभर्नर पुरुषोत्तम भक्त प्रधानाङ्ग, इलेक्ट द्वितिय गभर्नर बालाराम भट्टराई, पुर्व गभर्नरहरु अरुण प्रताप राणा, सुनिल ओझा, अनुप पहारी, महेन्द्र नारायण श्रेष्ठ लगायतले संवोधन गर्ने कार्यक्रम रहेको एरिका ३ चिफ माधव खनालले बताए ।

लायन्स एरिया नम्बर ३ र ४ को आयोजनामा हुने क्याविनेट मिटिङ्गमा कार्यक्रममा करिव ५ सय भन्दा बढिको सहभागीता रहने बताए ।
लायन्स डिष्ट्रिक ३२५ पि अन्र्तगत नवलपरासी, रुपन्देही, पाल्पा, कपिलवस्तु काठमाण्डौ सहितका १ सय ८४ वटा क्लवमा ४ हजार ६ सय ७ जना सदस्य रहेका छन् ।