खोज

बुटवल, २९ जेठ ।

वैदेशिक अध्ययनमा जाने युवालाई परामर्श सेवा दिंदै आएको ईडिएफ एडमिसन बुटवलले सोमबार देखि मोफसलबाट सेवा शुभारम्भ गरेको छ । बुटवलको मिलनचोकमा कार्यालयको एक समारोहका बिच बुटवल उपमहानगरपालिका वडा नं. ९ का वडाअध्यक्ष प्रदिप कुमार श्रेष्ठले शुभारम्भ गर्दै युवाहरुमाझ विदेश अध्ययनको आकर्षक रहेको बताए । अहिलेको अवस्थामा देशमै युवाहरुलाइ रोक्ने वा अध्ययनपछि स्वदेशमा फर्कने गरी सरकारको नीति जरुरी रहेको उनले बताए । कार्यालयमा जनप्रतिनिधिको अधिकांश दैनिकी १२ कक्षा उत्तीर्ण भएसँंगै उच्च शिक्षामा जानेलाई सिफारिसमा दिन बित्ने गरेको उनले बताए ।

एजुकेशनका म्यानेजिङ डाइरेक्टर विनोद घिमिरेले विदेश अध्ययनमा जाने विद्यार्थीहरुमा भएको कठिनाई बुझेर मद्दत मिल्ने गरी सेवा शुभारम्भ गरेको बताए । अष्ट्रेलिया, अमेरिका, क्यानडा र युकेका युनिभर्सिटीमा अध्ययन गर्न जान चाहने विद्यार्थीहरुको पहिलो रोजाईमा पर्ने गरेको उनको दाबी छ । उदघाटनको अवसरमा एक हप्ताभित्र नाम दर्ता गर्ने विद्यार्थीहरुलाई पिटिई, आयल्समा ५० प्रतिशत छुटको ब्यवस्था गरिएको उनले बताए । विद्यार्थीहरुको रुची अनुसारको कलेज तथा युनिभर्सिटी छान्ने, उनीहरुको करियर राम्रो बनाउन मद्दत मिल्ने गरी सहयोग गर्दै आएको उनले बताए ।

कार्यक्रममा समाजसेवी दीर्घ बहादुर केसी (कुमार), वडा नं ९ का वडा सदस्य भरत पुरी (बिवस), विष्णु पोखरेल, गोपाल पाण्डे, राम बहादुर कार्की, तारा ज्ञवाली, प्रकाश पोखरेल, प्रकाश राना, एजुकेशनका डाईरेक्टर प्रकाश घिमिरेले शिक्षासंग बजारमा रेमिटेन्स भित्र्याउने रुपमा रहेको बताए ।

अन्तर्राष्ट्रियस्तरमा मान्यता प्राप्त संस्था अमेरिकन ईन्टरनेशनल रिक्युरमेन्ट काउन्सिलबाट मान्यता प्राप्त ईडिएफ एडमिसनले अमेरिका, क्यानडा, अष्ट्रेलिया र युकेका २ सय बढी युनिभर्सिटी तथा कलेजहरुसंग सहकार्य रहेको उनले दाबी गरे । विश्वका ४० वटा देशमा अग्रेजी भाषा परीक्षाको तयारी गराउँदै आएको जम्बोरीको संरचनामा रहेर संस्थागत रुपमा काम गर्ने उनले बताए । आयल्स, पिटिई, टफेल्स, ग्रि, जिमेट, सेट लगायतका परीक्षाको तयारी गर्ने गरी ब्यवस्था भएको उनले बताए ।

एजुकेशनका सिनियर काउन्सिलर गणेश पाण्डेले काठमाडौमा १५ वर्षअघि देखि सेवा दिदै आएको बताए । अहिलेसम्म ५ हजार बढी युवाहरु अध्ययनमा पठाएको भन्दै प्रत्येक वर्ष ४ सय ५० जना वार्षिक जाने गरेको उनले बताए । काठमाडौमा बानेश्वरपछि दोस्रो शाखा बुटवलमा शुरु भएको छ ।