खोज

स्वस्तिक श्रेष्ठ
बुटवल, २२ जेठ ।

आईटी सफ्टवेयर सेवा दिंदै आएको टुना टेक्नोलोजी छोटो समयमा उपभोक्ताको मुख्य रोजाईमा पर्न थालेको छ । ब्यावसायिक संस्थाहरुलाई आवश्यक पर्ने सफ्टवेयर, वेबसाइड तथा सूचना प्रविधि सम्वन्धी सेवा प्रदान गर्ने उद्देश्यका साथ वि.सं. २०७८ मा स्थापना भएको कम्पनी गुणस्तरीय सेवाकै आम उपभोक्ताको मन जित्न सफल भएको हो ।

योगिकुटीमा मुख्य कार्यालय सोमबार पत्रकार सम्मेलन आयोजना गरी कम्पनीका अध्यक्ष गणेशचन्द पोखरेलले आईटी सेक्टरको कम्पनी लुम्बिनी प्रदेशमा स्थापित भएर सेवा दिंदै आएको बताए । दक्ष युवाहरुलाई स्वदेशमा टिकाउन र आईटी अध्ययन गरेका विद्यार्थीहरुलाई ईनहाउस ईन्टेसिभ गराउने समेतका गर्दै आएको उनले बताए । सफ्टवेयर सुरक्षमा विशेष ध्यान दिएको उनले दाबी गरे ।

कार्यक्रममा प्राविधिक टिम प्रमुख (सिटिओ) सर्वजित मिश्राले विश्वमा नै मान्यता प्राप्त डाटा सेन्टर प्रयोग भएको बताए । नेपालभित्र नै सबै ग्राहकको डाटा सुरक्षित हुने भन्दै आफ्नै डाटा सेन्टर बनाउन ठूलो रकम खर्च हुने भएकाले अहिले नै सम्भव नरहेपनि भविष्यमा हुनसक्ने बताए । प्लाटफर्म नै सरक्षित भएकाले ह्याकिङ, स्क्यामको सम्भावना नरहेको भन्दै ग्राहकलाई समेत आवश्यक तालिमहरु दिदै आएको उनले बताए ।

कम्पनीका सिईयो राजिव गौतमले ब्यक्तिगत र ब्यावसायिक दुबै प्रकारका एकाउन्ट बनाएर सेवा दिदै आएको बताए । कम्पनीको मुख्य ३ वटा सफ्टवेयरहरु टुना ईआरपि, एचएमएस र साझा मेनु बजारमा लन्च भैसकेको छ । विशेष गरी बजारको माग अनुसार उत्पादन, होटल म्यानेजमेन्ट र डिजिटल मार्केटिङ गरि फरकफरक क्षेत्रका सफ्टवेयर चलेको छ । बजार प्रतिनिधि तयार गरेर माग अनुसारको उत्पादन गर्दै आएको उनले बताए । सरकारी कार्यालयमा समेत सेवा दिदै आएको छ ।

डाटा सेन्टर र आन्तरिक कनेक्सन गर्ने काम चलेको छ । सर्भरको विदेशीको लिनुपर्ने बाध्यता रहेको छ । टुनाले बजारमा सर्भिस र बजारीकरणको दुई वटा बाहिरी संरचना रहेको उनले बताए । यसैगरी भित्री रुपमा समेत सफ्टवेयर निर्माणको आफ्नो दक्ष जनशक्ति निरन्तर लाग्दै आएको उनले बताए ।

कार्यक्रममा संचालक धुव न्यौपाने, ई. प्रदिप भण्डारी, जिवन कुँवर, दुर्गा भण्डारीले बजारको माग अनुसार नयाँ नयाँ सफ्टवेयर उत्पादनमा जोड दिएको बताए । करीब १० करोड रुपैयाँ लागतमा स्थापित भएको कम्पनीमा २५ जना कर्मचारीहरुले रोजगार दिएको छ । स्वदेशमा काठमाडौं र विदेशमा सिड्नी अष्ट्रेलियामा शाखा कार्यालय रहेको छ ।