खोज

बुटवल, ५ जेठ ।

राष्ट्रिय युवा संघ नेपालको स्थापना दिवस देशभर विविध रचनात्मक कार्यक्रम गरी मनाईदैछ । देवदह नगर कमिटिले संघको ३५ औ स्थापना दिवसको अवसर पारेर श्रीनगरको विकट क्षेत्रमा रहेको देवदह नगरपालिका–१०, मुढाबासको जनकल्याण आधारभुत विद्यालयमा अध्ययरत बालबालिकाहरुलाई शैक्षिक सामग्री र नास्ता वितरण गरेको हो ।

एक कार्यक्रमका बीच विद्यालय परिसरमा शुक्रबार युवा संघका केन्द्रीय सदस्य कल्पना पाण्डें मगर, नेकपा एमाले जिल्ला कमिटी सदस्य मन कुमार कनौजिया, संघका प्रदेश सहसंयोजक सुरज खरेल, जिल्ला सहसचिव नवराज मल्ल, मधु श्रेष्ठ, जिल्ला सदस्य सुमन श्रेष्ठ, नगर कमिटी अध्यक्ष विश्वास गुरुङ, नगर कमिटी सदस्य उमेश मगर, युवा ईन्चार्ज विकास गहतराज, संघका वार्ड अध्यक्ष खुम थापाले विद्यालयका प्रधानाध्यापक प्रकाशराज अर्याललाई सहयोग सामग्री हस्तान्तरण गरेका छन् ।

कार्यक्रममा संघका केन्द्रीय सदस्य कल्पना मगरले देशका हरेकजसो राजनीतिक परिवर्तनको आन्दोलनमा सहभागी युवा संघ अब समाज रुपान्तरणको अभियानमा लाग्ने बेला भएको बताईन् । युवाहरुलाई सिपमुलक तालिम, क्षमता अभिवृद्धि जस्ता कार्यक्रम गरि नया ढंगबाट विकासमा योगदान दिन जरुरी रहेको उनले बताईन् ।

कार्यक्रममा जिल्ला सदस्य मन कुमार कनौजियाले युवाहरु परिवर्तनको बाहक भएको दाबी गर्दै समाज, देश परिवर्तनको हरेक मोडमा भुमिका खेलेको बताए । कार्यक्रममा संघका प्रदेश सहसंयोजक सुरज खरेलले तराईमा पर्ने देवदह नगरपालिका भौगोलिक हिसाबले विकट हुदा विकासमा पछि परेको बताए । भौतिक पूर्वाधार विकाससंगै सडक संजालबाट जोडिएको भएपनि मानव विकासको पाटोमा कमजोर रहेको उनले बताए । शैक्षिक विकासमा स्थानिय पालिकाबाट आवश्यक पहल गर्न आफुहरु तयार रहेको बताए । देश विकासमा युवाहरुको अग्रसरता आजको आवश्यकता भएको भन्दै आफैबाट परिवर्तन अघि बढाएको उनले बताए ।

कार्यक्रममा विद्यालयका प्रधानाध्यापक प्रकाशराज अर्यालले विद्यालयप्रति अभिभावकहरुको भुमिका र जिम्मेवारी महत्वपुर्ण हुने बताए । स्थानीय पालिकाबाट शिक्षकहरुको क्षमता, पुर्वाधार विकासमा आवश्यक सहयोग जरुरी रहेको उनले बताए ।

कार्यक्रममा नगर कमिटी अध्यक्ष विश्वास गुरुङले हरेक दृष्टिकोणबाट पिछडिएको ठाउँलाई सबैको साथ सहयोग जरुरी रहेको बताए । संघको स्थापना दिवसको अवसरमा देशभर सरसफाई, खेलकुद, सहयोग हस्तान्तरण जस्ता रचनात्मक काम गरि मनाईरहेको उनले बताए । वि.स २०४१ सालमा स्थापनामा भएको बाल शिक्षामा ११ जना र १–४ सम्म १६ जना विद्यार्थीहरु अध्ययरत छन भने ४ जना शिक्षकहरु छन ।