खोज

दाङ, २७ वैशाख ।

तुलसीपुर उपमहानगरपालिका वडा नम्बर १६ लाई बालश्रम मुक्त वडा घोषणा गरिएको छ । नगरप्रमुख टीकाराम खड्काले बालश्रम मुक्त वडा घोषणा गरेका हुन् । नगरप्रमुख खड्काले बाल शोषण, श्रम र हिंसा अपराध भएकाले सबैको सहयोग, सहकार्यबाट नै सभ्य समाज निर्माणका लागि बालमैत्री नगर घोषणाको तयारी अघि बढाइएको बताए ।

उनले सम्पूर्ण बालबालिकाहरुलाई विद्यालयसम्म पु¥याउने वातावरण तयार गरिने बताए । उपप्रमुख स्यानी चौधरीले शिक्षालाई अनिवार्य, निःशुल्क र सर्वसुलभ बनाउनका लागि सदैव तत्पर रहेको बताइन् । उनले बालबालिकाहरुको अधिकारलाई मध्यनजर गरेर काम अगाडि बढाएको बताइन् । सामाजिक विकास शाखाका प्रमुख माया श्रेष्ठले पालिकालाई नै बालमैत्री घोषणाको तयारी गरिएको बताइन् । बालबालिकाहरु श्रममा लागेको वा लगाएको कसैले देखेमा नगरपाकिामा खवर गर्न आग्रह गरिन् ।

बालमैत्री घोषणाका लागि ५१ सूचकमध्ये बालश्रम मुक्त एक सूचक रहेको छ ।
तुलसीपुर उपमहानगरपालिका वडा नम्बर १६ मा प्रारम्भिक सर्वेक्षणमा ३५ जना बालबालिकाहरु श्रममा रहेका थिए । तीमध्ये रहेकोमा ३० जना बालबालिकाहरुलाई तत्कालै परिवारमै पुनस्र्थापना गरिएको थियो । पाँच जना बालबालिकाका परिवारलाई आर्थिकरुपमा सबल बनाउनका लागि जीविकोपार्जनका कार्यमा संलग्न गरिएको थियो । तुलसीपुर उपमहानगरपालिका वडा नम्बर १६ का वडाध्यक्ष शिवानन्द डाँगीले ती पाँच जना बालबालिकाहरुलाई अध्ययनका लागि आवश्यक सामग्री उपलब्ध गराएर विद्यालयमा भर्ना गरिएको बताए ।

तुलसीपुर उपमहानगरपालिकाको वडा नम्बर १, २ ६ र १८ लाई बालश्रम मुक्त वडा घोषणा गरिएको छ । कार्यक्रममा प्रमुख प्रशासकीय अधिकृत रामबहादुर केसी, नेकपा एमाले प्रदेश कमिटी सदस्य गिरिराज केसी, मानव अधिकार तथा शान्ति समाज दाङका सभापति नवीनकुमार पोख्रेल, बालविज्ञ नवराज लामिछाने, नेपाली कांग्रेस वडा नम्बर १६ का इकाई सभापति लिलाधर वली लगायतका वक्ताहरुले मन्तव्य राखेका थिए । कार्यक्रममा बालश्रम मुक्त वडा घोषणा गर्न सहयोग गर्ने सम्पूर्ण टोल विकास संस्था, विद्यालय, संघ संस्थालाई सम्मानपत्र प्रदान गरिएको थियो ।