खोज

बुटवल, २७ बैशाख ।

बुटवल नगरलाई सुन्दर, स्वच्छ र हराभरा नगर बनाउने लक्ष्यसहित बुटवल उपमहानगरपालिकाले सरसफाईलाई विशेष अभियानको रुपमा चलाउन थालेको छ । नियमित तालिका बनाएर नगरभित्रका विशेष स्थानहरुको सरसफाईमा तिब्रता दिएको हो ।

मुख्य शहरी क्षेत्रमा पर्ने बुटवल उपमहानगरपालिका वडा ४, ६, ७ र ८ मा बग्ने सुखौरा खोला सरसफाईको ३ दिने अभियान बुधबारदेखी शुरु गरेको छ । स्थानीय जनप्रतिनिधि, जनपद प्रहरी, सशस्त्र प्रहरी, स्थानीय उपभोक्ता समूहका पदाधिकारी, सदस्यहरु यो अभियानमा हातेमालो गरेका छन् । सुखौरा खोलामा ढल मिसाउने, फोहोर फाल्ने काम रोक्न उपभोक्ता समितिमार्फत सचेतना कार्यक्रमलाई अघि बढाउने बुटवल उपमहानगरपालिकाका प्रमुख खेलराज पाण्डेयले बताए ।

‘यो नगरपालिकाको रुटिनभित्रको कार्यक्रम हो’–उनले भने । विगतमा बुटवलको बसपार्कलाई सफाई, सुन्दर र वाईफाईयुक्त बसपार्क बनाउन सफल भएको उदाहरण दिदै उनले अब सुखौरा खोलाको सरसफाईलाई पुर्ण रुपमा सफल बनाउने बताए । सिक्सलेन सडक निर्माण पुरा भएसंगै यो सफाईलाई समेत प्राथमिकता दिने उनले बताए । पहिलो चरणमा घरघरमा सचेतना बोर्ड राख्ने काम गर्ने र यति हुँदा पनि ब्यवस्थित हुन सकेन भने टोल समितिको अगुवाईमा फोहोर गर्नेहरुलाई जरिवाना लगाउनेसम्मको कारवाही अघि बढाउने उनले बताए । बाढीपहिरोमा खहरेको रुपमा रहेको यो खोला हिउँदमा भने सुख्खा हुन्छ । शहरमा बसोबास गर्नेहरुले आफ्नो घरबाट निस्कने फोहोरलाई मिल्क्याउने थलोका रुपमा सुखौरा खोलालाई उपयोग गर्न थालेपछि यो फोहोर भएको हो । बुटवल शहरमा दैनिक ६० टन फोहोर उत्पादन हुन्छ । सो फोहोर व्यवस्थापन गर्न प्रशोधन केन्द्र छैन । उपमहानगरले फोहोर उठाउएर सोभैm तिनाउ नदी किनारमा फाल्छ । घामपानीले पिल्सेर दुर्गन्ध पैmलिने समस्या त छँदैछ । पानी प¥यो कि फोहोर बगेर नदीमा मिसिन्छ ।

बुटवल उपमहानगरपालिका वडा नं. ४ का वडाअध्यक्ष नरेश्वर पौडेलले शहरी बस्तीमा फोहोर ब्यवस्थापन चुनौती बनेको बताए । घरघरमा पुगेर आफु सफाईको अभियानमा लागेको भन्दै सचेत ब्यक्तिबाट नै फोहोरको ब्यवस्थापनमा चुक्ने गरेको दुःखेसो गरे । प्रत्येक दिन घरघरमा फोहोर उठाउने सवारीसाधन माईकिङ गर्ने भएपनि नगरबासीहरु गलत तरिकाबाट फोहोर फयाँक्ने गरेको बताए । घरभित्रबाट नै फोहोर ब्यवस्थापन थाल्ने गरी कार्यक्रम गर्न लागेको उनले बताए । वैशाख २७ देखि ३ दिनसम्म चल्ने कार्यक्रममा वडाबासीहरुको साथ र सहयोग जरुरी रहेको उनले बताए । बुटवल उपमहानगरपालिका वडा नं ४ आर्दशनगरमा शुरु भएको सुखौरा खोला वडा नं ६, ७ र ८ हुदै तिलोत्तमा नगरमा पुग्ने गर्दछ ।