खोज

चन्द्रौटा (कपिलवस्तु), २६ चैत ।

प्रारम्भिक बाल विकास सहजकर्ताहरुका लागि बालविकास शिक्षण सिकाई सम्बन्धमा सहजकर्ता तालिम गरिएको छ । शनिबार एक कार्यक्रमका बीच ३ दिवसीय कार्यक्रम गरिएको जनाइएको छ ।

घरघरमा शिक्षा तथा आत्मनिर्भर विकास संस्था नेपालको आयोजना तथा गुडविभ सर्टिफिशन नेपाल र अन्तर्राष्ट्रिय श्रम संगठनको आर्थिक सहयोगमा परियोजना सञ्चालन भएका कपिलवस्तु र रुपन्देहीका २० वटा ईट्टा उद्योगका बालविकास सहजकर्ताहरुलाई तालिम प्रदान गरिएको हो ।

यसैबीच बाणगंगा नगरपालिका बालबालिका तथा महिला शाखा प्रमुख सुशिला पन्तले कार्यक्रमलाई सम्बोधन गर्दै बाल विकास सहजकर्ताहरुलाई तालिम हुन जरुरी रहेको जनाइन् । सहजकर्ताहरुले बालविकास कक्षा सञ्चालनका सीप सम्बन्धी तालिम आवश्यक रहेको भन्दै संस्थाले जोखिमपूर्ण क्षेत्रमा प्रारम्भिक बालविकास सञ्चालन गरेको उनले प्रशंसा गरिन् । तालिम पश्चात सम्बन्धित बाल विकास केन्द्रले नमुना केन्द्र बनाउनका लागि सहभागीलाई उत्प्रेरणा मिल्नेमा प्रमुख पन्तले जोड दिइन् ।

त्यस्तै घरघरमा शिक्षा तथा आत्मनिर्भर विकास नेपालका सचिव नारायण पौडेलले संस्थाले लामो समयदेखि श्रमिक र बालबालिकाको क्षेत्रमा काम गर्दै आएको बताए । ईट्टा उद्योगका बालबालिकालाई शैक्षिक सहायता कार्यक्रमका परियोजना फिल्ड अधिकृत दिवास घिमिरेले सहभागीहरुको सक्रिय सभागिताका लागि धन्यवाद दिँदै तालिम सिकेका सीपहरुलाई व्यवहारमा उतार्नुपर्नेमा उनले जोड दिए ।

जिल्लाको बाणगंगामा सञ्चालित तालिममा प्रशिक्षक दुर्गा प्रसाद अर्याल, सेतो गुराँस बालविकास सेवा कपिलवस्तुका प्रशिक्षक अनिता शर्मा, भगवती थापा, संस्थाक अध्यक्ष विष्णु प्रसाद न्यौपाने र बालसंरक्षण अधिकृत कमल सिंह थारु लगायतले कार्यक्रमलाई सम्बोधन गरेका थिए ।