खोज

बुटवल, १९ चैत ।

लुम्बिनी प्रदेशका स्वस्थमन्त्री बिष्णु प्रसाद पन्थीले सबै अस्पतालमा फार्मेसी काउन्सिलर अनिवार्य गर्ने प्रदेश सरकारको निर्णय भएको बताएका छन । सरकारी अस्पतालसहित अन्य सबै अस्पतालमा यो ब्यवस्था अनिवार्य कायान्र्वन गराउने लागेको उनले बताए । नेपाल औषधि ब्यवसायी संघ रुपन्देही शाखाको चौथो साधारण सभा तथा दोस्रो अधिवेशन शनिबार
उदघाटन गर्दै औषधी र उपचारको बिषयमा सही ज्ञान दिन यो कार्यक्रम उपयोगी हुने बताए ।

औषधी र रोगका बिषयमा अझै पनि नागरिकमा सचेतनाको कमी रहेको उनले दुःखेसो गरे । स्वदेशी उत्पादनलाई आत्मनिर्भर बन्ने गरी सरकारको नीतिको कारण लक्ष्यमा सफलता मिलेको उनले बताए । आम नागरिकको उपचारमा औषधी उत्पादक, डिलर, थोकखुद्रा विक्रेता, चिकित्सक सबैको आआफ्नो भूमिका र महत्व रहेको पन्थीले बताए । ब्यावसायिक हकहितको विषयमा संस्थागत पहल गर्नेमात्र नभई उपभोक्तामैत्री सेवा गर्न उनले सुझाव दिए ।

कार्यक्रममा रुपन्देही जिल्ला प्रशासन कार्यालयका प्रमुख भरतमणी पाण्डेले औषधी विशेष प्रकृतिको ब्यवसाय भएको बताए । ब्यवासायीहरुले आफ्नो पेशा ब्यवसायसंगै सामाजिक उत्तरदायित्वमा जोड दिनुपर्ने बताए । अनुमति प्राप्त ब्यक्तिबाट औषधि वितरण भए नभएको, सरकारी मापदण्डअनुसार भए नभएको अनुगमन हँुदा सहजतापुर्ण लिनुपर्ने उनले बताए ।

कार्यक्रममा संघका अध्यक्ष सुरज भट्टराईले आर्थिक वर्षको प्रगती विवरण पेश गर्दै ब्यवसाय हकहितसंगै समाजमा औषधिको सही प्रयोग बारे सचेतना कार्यक्रममा जोड दिएको बताए । वर्षभरि नै ब्यवसायीहरुलाई सीप अभिवृद्धि तालिमहरु चलाएको उनले बताए । लागू तथा मनोदिपक औषधीको प्रयोगमा विशेष जोड दिएको उनले बताए ।

कार्यक्रममा देवदह नगरपालिकाका नगरप्रमुख ध्रुव प्रसाद खरेल, औषधि ब्यवस्था विभागका वरिष्ठ अधिकृत सन्जिव शर्मा कट्टेल, नेपाल औषधी ब्यवसायी संघ लुम्बिनी प्रदेशका अध्यक्ष शिव ज्ञवाली, संघका उपाध्यक्ष खड्ग बहादुर बस्नेत, संघका विशेष सल्लाहकार बाबुराम भट्टराई, रोहितराज क्षेत्री, नेपाल औषधि ब्यवसायी संघ केन्द्रका (खुद्रा) रामप्रसाद खरेल, उपाध्यक्ष (थोक) सुनिल श्रेष्ठ, नेपाल औषधी ब्यवसायी संघ लुम्बिनी प्रदेशका अध्यक्ष शिव ज्ञवाली, दाङ शाखाका अध्यक्ष विष्णु प्रसाद पौडेल, नेपाल पत्रकार महासंघ रुपन्देही शाखाका अध्यक्ष रामराज पोखरेलले मानव जीवनको स्वास्थ्यसंग प्रत्यक्ष जोडिएको ब्यवसाय हँुदा विशेष सतर्कता अपनाउनुपर्ने बताए ।

कार्यक्रममा विशिष्ट उत्कृष्ट औषधी ब्यवसायी तेजराज राजभण्डारी, असल औषधी ब्यवसायी खुद्रातर्फ निश्चल फार्मेसीका पवित्रा पन्थी, थोक खेम ईन्टरप्राईजेजका ओमी पुनलाई सम्मान गरिएको थियो । स्वास्थ्य पत्रकारिताबाट पत्रकार विकास पराजुली, संघका कार्यसमिति सदस्य कृष्ण शर्मा पोखरेललाई सम्मान गरिएको संघका महासचिव पुरुषोत्तम भट्टराईले बताए ।