खोज

बुटवल, १४ चैत ।

गुणयुक्त, असरयुक्त, जनसुरक्षित औषधीको आपूर्ति ः हाम्रो प्रतिवद्घता नारासहित स्थापना भएको नेपाल औषधि ब्यवसायी संघ, रुपन्देही जिल्ला शाखाको दोसो अधिवेसन तथा चौथो साधारण सभा चैत १८ गते शनिबार बुटवलमा हुने भएको छ । विभिन्न उपसमिति मार्फत कार्यक्रमको तयारी अन्तिम चरणमा पुगेको संघका अध्यक्ष सुरज भट्टराईले बताए ।

मंगलबार संघको सचिवालयमा बसेको अन्तिम बैठकबाट विभिन्न निर्णयहरु समेत गरिएको उनले बताए । रुपन्देहीमा छरिएर रहेका ब्यवसायीलाई एकतावद्ध गर्न विभिन्न पालिकाहरुमा घरदैलो गरी सदस्यता वृद्धि, सुझाव संकलनका कामहरु गरेको उनले बताए । ‘संघमा ५ सय बढी ब्यवसायीहरु नविकरण गरिएको छ’– उनले भने । आफ्नो कार्यकालमा १५ लाख रुपैया बराबरको ब्यावसायिक हित कोष स्थापना गरेको भन्दै उनले यसको रकम बढाएर २१ लाख बनाउने गरी अघि बढेको बताए ।

यसैगरी ७ लाख रुपैयाँको औषधी सम्मान कोषको स्थापना गर्ने तयारी रहेको उनले बताए । जसबाट कार्यक्रममा वरिष्ठ औषधी ब्यवसायी सम्मान, उत्कृष्ट पत्रकारिता पुरस्कार वितरण गरिने उनले बताए ।

संघमा महासचिव पुरुषोत्तम भट्टराईको संयोजकत्वमा प्रचारप्रसार तथा किटब्याग उपसमिति गठन गरी आवश्यक तयारी भएको छ । संघको स्मारिका प्रकाशन अन्तिम चरणमा पुगेको संघका उपकोषाध्यक्ष माधव खनालले बताए । कार्यक्रममा नेपाल खुद्रा औषधी ब्यवसायी महासंघका केन्द्रीय उपाध्यक्ष राम प्रसाद खरेल, विशेष सल्लाहकार रोहितराज क्षेत्री, सल्लाहकार मोहन पाण्डे, नेपाल औषधि ब्यवसायी संघ प्रदेश अध्यक्ष शिव ज्ञवाली, प्रदेश महासचिव लुकराज न्यौपाने, कोषाध्यक्ष प्रकाश ज्ञवाली, कानुनी सल्लाहकार युवराज घिमिरे, संघका उपाध्यक्ष खड्ग बहादुर बस्नेतले नेतृत्व विकास गर्दै बयवसायिक भुमिका, सामाजिक उत्तरदायित्वमा रहेर काम गर्नुपर्ने बताए । प्रदेश अध्यक्ष शिव ज्ञवालीले पुरस्कृत गर्ने मापदण्ड बनाएर सिफारिस गरिएको भन्दै संघको मापदण्ड पूरा गरेको, सदस्य नियमित भएका उत्कृष्ट खुद्रा र थोक विक्रेतालाई सम्मानको कार्यक्रम गरिने बताए ।