खोज

बुटवल, ६ चैत ।

रुपन्देहीको कञ्चन गाँउपालिका ३ हरैयामा रहेको हरैया बहुमुखी क्याम्पसमा भएको स्वतन्त्र विद्यार्थी युनियनको चुनावी नतिजा सार्वजनिक भएको छ । जसमा एमाले सम्बद्ध अनेरास्ववियु, जनमत विद्यार्थी संघ, लोकतान्त्रिक विद्यार्थी संघको संयुक्त प्यानलबाट सभापति पदमा २२२ मत ल्याएर प्रदिप शर्मा बिजयी भएका छन् । उनका निकटतम प्रतिष्पर्धी नेपाल विद्यार्थी संघका सुनिल रानाले १९९ मत प्राप्त गरे ।

यस्तै संयुक्त प्यानलकै अनिलकुमार गुप्ता सचिव पदमा २२० मत ल्याएर बिजयी हँुदा उनका प्रतिष्पर्धी नेविसंघका रुपेश कमार यादवले १९९ मत प्राप्त गरे । संयुक्त प्यानलबाटै कोषाध्यक्षमा जिवनकुमार धवलले २२१ मत ल्याई बिजयी हुनभएको छ भने नेविसंघकी रेखा प्रजापतीले २०८ मत प्राप्त गरिन् । यस्तै सदस्य पदमा भने मिश्रित परिणाम आएको छ । सदस्यमा संयुक्त प्यानलबाट शुभम शर्मा २२९, अविनाश क्षेत्री २३२ र निशा कुवरले २२० मत ल्याएर बिजयी भए भने नेविसंघबाट खमबहादुर घर्तीमगर २०७, प्रियंका केसी २०७, सुनिता विक २०९ ल्याएर पराजित भए ।

यता संयुक्त प्यानलका दिपेन्द्र यादव २१४ मत ल्याएर पराजित हुँदा नेविसंघका ईरफान चुरियारले २२० मत ल्याएर बिजयी भए । यस्तै समिर क्षेत्रीले २३६ मत प्राप्त गरी बिजयी भए । नेविसंघकै ईरफान चुरियारले पनि २२० मत प्राप्त गरी सदस्यमा बिजयी भए । संयुक्त प्यानलका अभय कुमार धवलले सदस्यमा दिएको उम्मेद्वारी फिर्ता लिएपछि ७ जनाको मात्रै उम्मेद्वारी रहेको थियो । यस्तै प्रगतीशिल विद्यार्थी संगठनबाट सभापतिमा उम्मेद्वारी दिएकी माया थापाको १२ मत आएको छ भने सचिव पदकी मनिसा आचार्यको १५ मत आएको छ । जम्मा ५१६ जना विद्यार्थी मतदाता रहेकामा ४४८ अर्थात ८६.८२ प्रतिशत मत खसेको थियो । विहान ७ बजेबाट सुरु भएको मतदानमा ३०४ महिला र १४४ पुरुष गरि ४४८ जनाले मतदान गरेका थिए ।