खोज

दाङ, ५ चैत ।

लुम्बिनी प्रदेशका मुख्यमन्त्री लिला गिरीले समृद्ध प्रदेश निर्माणको अभियानमा जुटन सबैलाई आग्रह गरेका छन् । नेकपा (एमाले) ले सुरु गरेको मिसन ग्रासरुट अभियानका क्रममा आइतबार आयोजित कार्यक्रममा उनले जनप्रतिनिधि नागरिकसँगको सहकार्य र समन्वयको अभावमा उल्झनमा परेकाले विकासमा अवरोध सिर्जना भएको बताए ।

मुख्यमन्त्री गिरीले सिमित श्रोत साधनको बीचमा पनि प्रदेश सरकारले समृद्धिको अभियानलाई अगाडि बढाएको बताए । सबैको सहयोग र समन्वयबाट समृद्ध प्रदेश बन्न सक्ने उनले बताए । मुख्यमन्त्री गिरीले सीमित स्रोत साधनका बीच समेत लुम्बिनी प्रदेश समृद्धिको मार्गमा रहेको बताए । मुख्यमन्त्री गिरीले साधन स्रोतको अभाव भए पनि नागरिकको सहयोगबाट प्रदेशलाई समृद्धिको मार्गमा अघि बढाउन सकिएको बताए ।

एमाले पोलिटब्युरो सदस्य समेत रहेका गिरीले एमालेले बिगतमा गरेका कार्यबाट नै जनताप्रति आकर्षण बढिरहेको बताए । उनले जनताको आकर्षणलाई नेता कार्यकर्ताहरुले विकासमा अग्रसरता दिलाउनुपर्ने सुझाव दिए ।

पार्टीका नेता कार्यकर्तालाई गोलबद्ध भई सामाजिक काममा समेत अग्रसरता दिलाउनुपर्ने बताए । उनले अभियानका क्रममा पाटी, पौवा, चौतारा सरसफाइजस्ता सामाजिक विकासका काममा लाग्न कार्यकर्तालाई निर्देशन दिए ।

उनले अप्ठ्यारोका बीचमा पनि जनताको गुनासो सुनेर काम गर्नुपर्ने बताए । “पार्टीलाई सही ढंगले चलाउनका लागि मिसन ग्रासरुट कार्यक्रम संचालन गरिएको हो, उनले भने ।” गाउँघरमा मतदाताको मनोभाव बुझेर काम गर्नुपर्ने मुख्यमन्त्री गिरीले बताए ।

कार्यक्रममा तुलसीपुर उपमहानगरपालिकाका प्रमुख टिकाराम खड्काले सबै पालिकामा साथीहरूले एकतावद्ध भएर काम गर्नुपर्ने बताए । पार्टीको केन्द्रीय अभियान अन्तर्गत मिसन ग्रासरुट आएकाले यसलाई अवसरको रुपमा लिएर काम गर्नुपर्ने उनले बताए ।

घोराही उपमहानगरपालिका अन्तर्गत १९ वटै वडाका मिसन ग्रासरुट अभियानका प्रतिनिधिले प्रगती प्रतिबेदन प्रस्तुत गरेका थिए । नेकपा एमाले घोराही नगरका अध्यक्ष भुबन चौधरीको अध्यक्षतामा कार्यक्रम भएको थियो ।