खोज

बुटवल, ३ चैत ।

रुपन्देहीमा रहेर सामाजिक क्षेत्रमा अलग पहिचान बनाउन सफल भएको रोटरी क्लब अफ बुटवल डाउनटाउन दुई वटा पुरस्कारबाट सम्मानित भएको छ । काठमाडौमा शुक्रबार शुरु भएको रोटरी ईन्टरनेश्नल डिष्ट्रिक ३२९२ को १५ औ डिष्ट्रिक कन्फ्रेन्समा रुपन्देहीको रोटरी क्लब अफ बुटवल डाउनटाउन दुई उत्कृष्ट विधामा नगद सहित पुरस्कृत भएको हो ।

नेपालको रोटरी क्लबहरुमध्ये स्वस्थ्य क्षेत्रमा उत्कृष्ट कार्य गरेवापत उत्कृष्ट कार्यसम्पादन गरेको भन्दै जनक दास कान्छीमैया श्रेष्ठ एण्ड फेमिली फाउण्डेसन अवार्डबाट नगद ५ लाख रुपैयाँसहित पुरस्कृत भएको हो । यसैगरी क्लबका सदस्य तथा महिला सशक्तिकरण प्रमुख तेज कुमारी लुईटेललाई ब्यावसायिक महिलाहरुलाई प्रोत्साहनमा योगदान दिएवापत डा. सुनिता र गोपाल आचार्यद्वारा स्थापना गरिएको पुरस्कारबाट नगद १ लाख रुपैयाँसहित सम्मान गरिएको हो ।

एक समारोहका बीच डिजि जितेन्द्र बहादुर राजभण्डारीले रोटरी क्लब अफ बुटवलका अध्यक्ष भरत राना, क्लबका सदस्य तथा महिला सशक्तिकरण प्रमुख तेज कुमारी लुईटेललाई पुरस्कार वितरण गरेका छन् । नेपालमा रहेका १ सय ५७ क्लबहरुमध्येबाट डाउनटाउन उत्कृष्ट हुन सफल भएको क्लबका अध्यक्ष भरत रानाले बताए । सेवाभावनाका साथ काममा लाग्दा देशभरमै उत्कृष्ट क्लब बन्न सफल भएको उनले बताए ।
शुक्रबार सुरु भएको कन्फ्रेन्सन दुई दिनसम्म चल्नेछ ।