खोज

बुटवल, २० फागुन ।

दोभानमा जारी प्रथम दोभान फाईभ ए साईड फुटबल प्रतियोगिता २०७९ मा अन्तिम चारको टुगो लागेको छ । शनिबार भएको समूह ‘बि’ बाट एमएफसी क्लब विजयी हुदै अन्तिम चारमा स्थान बनाएको छ ।

क्वाटरफाईनल खेलमा आयोजक दोभान एफसी (ए) लाई सडेनडेथमा १–० गोलले पराजित गर्दै अन्तिम चारमा स्थान बनाएको हो । दोभान फुटबल मैदानमा भएको निर्धारित समयको खेल अवधिमा गोलरहित बराबर भएपछि खेल ट्राइबेकरमा धेकेलिएको थियो । यसैगरी समूह ‘ए’ मा एसवाईसीले गणेश सास्कृतिक क्लब (ए) लाई सडेनडेथमा १–०, समूह ‘सि’ मा न्यु युथ युनियन तानसेनले विष्णुपुर एफसीलाई १–० तथा समूह ‘डि’ मा दोभान एफसीले लुम्बिनी तिलोत्तमा एफसीलाई २–१ गोल अन्तरले पराजित गर्दै अन्तिम चारमा स्थान बनाएको हो ।

आईतबार बिहान पहिलो सेमीफाईनल खेलमा एमएफसीले एसवाईसी तथा दोस्रो सेमिफाईनल खेलमा न्यु युथ युनियन तानसेन र दोभान एफसी बीचमा खेल हुने संयोजक सुनिल श्रेष्ठले बताए । प्रतियोगिताको विजेता टिमले नगद २० हजार रुपैयाँ, कप, मेडल, प्रमाणपत्र, उपविजेता टिमले नगद १२ हजार रुपैया, कप, मेडल, प्रमाणपत्र तथा उत्कृष्ट विधातर्फ पनि विजेता खेलाडीहरुलाई पुरस्कृत गरिने छ । प्रतियोगितामा रुपन्देही, पाल्पाका २८ टिमले प्रतिस्प्रर्धा गरेका छन ।