खोज

बुटवल, १४ फागुन
मर्चवारका बासिन्दाहरुलाई स्वस्थ्य सचेतनासंगै सेवा दिने उद्येश्यका साथ एक दिने निशुल्क स्वस्थ्य शिविर, सचेतना तथा औषधी वितरण कार्यक्रम गरिएको छ । लुम्बिनी अटोमोबाईल्स एशोसियसन अफ नेपाल नाडा (लुम्बिनी) को आयोजना तथा सिद्धार्थ महिला तथा बाल हस्पिटल आम्दा नेपालको प्राविधिक सहयोगमा समरीमाई गाउपालिकाको जनता माबि बिजरौलीमा शनिबार निशुल्क स्वस्थ्य शिविर, सचेतना तथा औषधी वितरण गरिएको हो । लुम्बिनी प्रदेश स्वस्थ्य तथा जनसंख्या मन्त्रालयका स्वस्थ्यमन्त्री विष्णु प्रसाद पन्थीले डा राजेन्द्र प्रसाद बश्याललाई स्वस्थ्य सामग्री हस्तान्तरण सहित शिविरको उद्घाटन गरे । रुपन्देही बिकट क्षेत्र मानिने मर्चवारका जनताको आवश्यकता अनुसार काम भएको बताए । शिक्षा, स्वस्थ्य, सरसफाईको क्षेत्रमा सरकारसंग सामाजिक संघसंस्थाहरुको सहकार्य जरुरी रहने उनले बताए ।

कार्यक्रममा लुम्बिनी नाडाका अध्यक्ष गणेश भट्टराईले आफनो पेशा ब्यवसायसंगै सामाजिक उत्तरदायित्व निर्वाह गर्दै आएको बताए । वार्षिक कार्ययोजना अनुसार स्वस्थ्य सचेतनाको कार्यक्रमलाई रुपन्देही जिल्लाकै बिकट मानिने मर्चवारमा लगेर कार्यक्रम गरेको उनले बताए । शिविरमा स्त्री रोग विशेषज्ञ डा राजेन्द्र प्रसाद बश्याल, फिजिसियन डा केशव शर्मा, बालरोग अरुण पोखरेल, आम्दा नेपालका आकस्मिक सेवा प्रमुख श्रीकान्त सुवेदी लगायत एक दर्जन बढी प्राविधिकहरुबाट सेवा दिइएको थियो । शिविरमा करीब ९ लाख रुपैया बराबरको औषधी र सेवा दिईएको उनले बताए ।
शिविरमा आएका बिरामीहरुमध्ये अधिकाशमा महिलामा पाठेघरको समस्या, बच्चाहरुमा रुघाखोकी, दम पाईएको चिकित्सकहरुले बताए । उनिहरुलाई थप सेवाका लागि समेत परामर्श दिईएको थियो । कार्यक्रममा सम्मरीमाई गाउपालिका प्रमुख बिनोद कुमार श्रीवास्तव, उपप्रमुख प्रियंका शाही सिह, निमित्त प्रमुख प्रशासकिय अधिकृत मुन्सी प्रसाद माझी, नाडा अटो मोबाईल डिलर्स एशोसियसन नेपालका सहसचिव पंकज अग्रवाल, जनता मावि ब्यवस्थापन समितिका अध्यक्ष राजाराम धोबी, प्रधानाध्यापक मखन लोध, एमआर बसन्त पोखरेलले सरकारी सेवाबाट ओझेलमा परेका क्षेत्रमा ब्यवसायिक संघसंस्थाहरु समेत सामाजिक उत्तरदायित्व निवार्ह गर्दै गाउघरमै सेवा पाउनु उत्कृष्ट कार्य भएको बताए । कार्यक्रम संयोजक नाडा लुम्बिनीका सचिव राम प्रसाद बेल्बासेले स्थानिय आठ सय बढी बिरामीहरु सेवा लिएको बताए ।