खोज

बुटवल, ५ फागुन ।

सुन्दरनगर खानेपानी उपभोक्ता तथा सरसफाई संस्थाको ११ साधारण सभा तथा चौथो अधिवेशनबाट विरमान लामाको अध्यक्षतामा नयाँ नेतृत्व सर्वसम्मत निर्वाचित भएको छ । जसको उपाध्यक्षमा यम बराल, सचिव प्रकाश खनाल, कोषाध्यक्ष रिम कुमारी श्रेष्ठ, सहसचिव शंकर काफले, सदस्यहरुमा शान्ता दर्जी, शंकर परियार, बिक्की थापा, सरिता श्रेष्ठ, दुर्गा बहादुर गुरुङ र उमाकुमारी कुँवर रहेका छन् ।

शुक्रबार एक कार्यक्रमका बीच बुटवल उपमहानगरपालिका वडा नं. ६ का वडा अध्यक्ष लोकनाथ न्यौपानेले नवनिर्वाचित पदाधिकारी तथा सदस्यहरुलाई शपथ ग्रहण, पदस्थापना र प्रमाणपत्र वितरण गर्दै निक्कै लामो लडाईपछि पिउने पानीको सुविधा पाउन सफल भएको भन्दै यसमा आवश्यक पर्ने थप सहयोगका लागि स्थानीय सरकार साथमा हुने बताए ।

नवनिर्वाचित अध्यक्ष बिरमान लामाले सबैको सहकार्यमा आफुले काम गर्ने प्रतिवद्धता जनाए । कार्यक्रममा संस्थाका निवर्तमान उपाध्यक्ष कुल बहादुर पुन, निवर्तमान सचिव जनार्दन गिरी, सहसचिव धु्रवराज खनाल, सदस्य पवित्रा केसी, धु्रवराज खनाल, चन्द्र कुमारी तिवारी, लेखा समिति संयोजक निर्मला श्रेष्ठ, लेखा समिति संदस्य मिना मगरलाई सम्मान गरिएको थियो ।

कार्यक्रममा निर्वाचन समितिका संयोजक बलराम न्यौपाने, वडा सदस्य चिने श्रेष्ठले विगतका वर्षमा पिउने पानीको समस्यालाई चिर्न सफल भएपनि अब आगामी दिनमा आउने थप जटिलताबारे ध्यान दिएर योजनाबद्ध रुपमा समुदायमा पानी र सरसफाईको बारेमा सचेतना दिने गरी काम गर्नुपर्ने बताए ।