खोज

सुनवल, ५ फागुन ।

एनएमबि बैंक लिमिटेड र रामग्राम परासी स्थित होटल सिद्धार्थ पार्क रिजेन्सीबीच एक सम्झौता भएको छ । सम्झौता अनुसार एनएमवि बैंकका कर्मचारी एवं ग्राहकले होटल सिद्धार्थ पार्क रिजेन्सी प्रालिबाट फुड एन्ड बेव्रेज आइटममा मेनुमा राखिएको रकममा १० प्रतिशत छुट पाउनेछन् ।

एनएमबि बैंक लिमिटेड सुनवल शाखा प्रबन्धक अर्जुन ज्ञवाली र होटल सिद्धार्थ रिजेन्सी प्रालिका निर्देशक मनोज गिरिले सहमति सम्झौता आदानप्रदान गरेका हुन् ।

यो सम्झौता एकबर्षको लागि हुनेछ । दुई पक्षको सहमतिले आवश्यकता अनुसार थप समय बढाउन सकिनेछ । सम्झौताले एनएमबि बैंकका कर्मचारी र सम्पूर्ण ग्राहक महानुभावहरु लाभान्वित हुने प्रबन्धक ज्ञवालीले बताए । छुट पाउनको लागि एनएमबि बैंकको खाताबाट भुक्तान गर्नु पर्नेछ । भुक्तानीको लागि फोन पे, एटीएम, क्रेडिट कार्ड, ईन्टरनेट, मोबाइल बैकिङ्ग, क्यु आर कोड प्रयोग गर्नुपर्ने उनले जानकारी दिए ।

होटल सिद्धार्थ पार्क रिजेन्सी प्रालि करिब २५ करोड लगानीमा हालसालै नवलपरासी जिल्लाको सदरमुकाम रामग्राम परासीमा खोलिएको छ । यस क्षेत्रको एक उत्कृष्ट सुविधासप्पन्न होटल रहेको निर्देशक मनोज गिरिले बताए । सस्तो मूल्यमा गुणस्तरीय सेवा पाइने उनको दावी छ । करिब २४ वटा सुविधा सम्पन्न आधुनिक वातानुकुल स्विट डिलक्स, सुपर डिलक्स कोठाहरु तथा एउटा ५०० जना अटाउने र अर्को ३०० जना अटाउने उत्कृष्ट ब्याङ्क्वेट हल रहेका छ्न। जसमा बर्तबन्ध, सेमिनार लगायतका कार्यक्रमहरु गर्न सकिनेछ । होटलमा फाइनडाइन रेष्टुरेन्ट संचालनमा रहेको छ । नेपाली, इन्डियन, चाइनिज कन्टीनेन्टल खानाका स्वादिष्ट परिकारहरु सुपथ मूल्यमा पाइन्छन् । प्रत्येक शुक्रबार लाइभ म्युजिक भैरहेको निर्देशक गिरिले जानकारी दिए । भगवान बुद्धको अस्तु धातु रहेको रामग्राम स्तुपको पर्यटन प्रबद्र्धन, औद्योगिक एवं ब्यापार प्रवद्र्धनमा सुबिधा सम्पन्न होटल स्थापनाले महत्वपूर्ण सहयोग गर्ने बिश्वास व्यक्त गरिएको छ ।