खोज

तिलोत्तमा, १७ माघ

सामूहिक विकास बचत तथा ऋण सहकारी संस्था लिमिटेड तिलोत्तमा–३ शंकरनगरको २९ औं स्थापना दिवसको अवसरमा रक्तदान कार्यक्रम सम्पन्न भएको छ । संस्थाका अध्यक्ष सुरेन्द्र कुमार वर्माको भएको कार्यक्रममा जम्मा ४० युनिट रगत संकलन भएको थियो । रक्त सञ्चार सेवा केन्द्र वुटवलको प्राविधिक सहयोग तथा नेपाल स्वयंसेवी रक्तदाता समाज तिलोत्तमा शाखा एवं यस क्षेत्रका विभिन्न स्थानीय क्लवहरुको सहयोगमा सम्पन्न भएको कार्यक्रममा धेरैपटक रक्तदान गर्ने पूर्णचन्द्र सुवेदी (७५ औं पटक) तथा पुरुषोत्तम आचार्य (१८ औं पटक) लाई सम्मान गरिएको थियो ।

कार्यक्रममा संस्थाका अध्यक्ष सुरेन्द्रकुमार बर्मा र सचिव मिनप्रसाद पोख्रेलले पनि मन्तव्य व्यक्त गरेका थिए भने सल्लाहकार चूडामणि खरेल, खुमाकान्त पौडेल सञ्चालक समितिका सम्पूर्ण पदाधिकारी तथा सदस्यहरु, लेखा सुपरीवेक्षण समितिका सदस्यहरु तथा कर्मचारीहरुको उपस्थिति रहेको थियो ।

 कार्यक्रममा वोल्दै संस्थाका अध्यक्ष बर्माले संस्थाले नियमित रुपमा यस्ता सामाजिक कार्यक्रमको आयोजना गर्दै आईरहेकोमा कार्यक्रम सफल वनाउनका लागि सहयोग पुर्याएकोमा सहयोगी संस्थाहरु लगायत रक्त सञ्चार सेवा केन्द्र वुटवललाई धन्यवाद व्यक्त गरेका थिए । २०५० साल माघ १७ गते २६ जना शेयर सदस्य र जम्मा रु २६ सय शेयर पुँजी संकलन गरी शुरुवात भएको यो सहकारीमा हाल करीव १० हजार शेयर सदस्य तथा ३ अर्व १५ करोड वासलात रहेको संस्थाका सूचना अधिकारी इश्वरी मरासिनीले जानकारी दिए । लुम्विनी प्रदेशमा कारोवारको हिसावले सवैभन्दा ठूलो सहकारीको रुपमा परिचित यस सहकारी संस्थाले सामाजिक, आर्थिक क्षेत्रमा महत्वपूर्ण योगदान गरेको छ ।