खोज

चन्द्रौटा, (कपिलवस्तु) ४ माघ ।

शिवराज नगर उपप्रमुख शिवकुमारी थारुले खानपान भेषभुषामा मात्रै नभएर थारुलाई शिक्षामा समेत विशेष प्राथमिकता दिनुपर्ने बताएकी छन् । पछिल्लो समय जातीय पहिचान जोगाउनको निम्ति थारु समुदायले ऐक्यवद्धता जनाएकोप्रति उनले हर्ष व्यक्त गरिन् ।

जिल्लाको शिवराज नगरपालिका–१, करहियामा थारु कल्याणकारीणी सभा शिवराज नगर कार्य समितिको आयोजनमा भएको महोत्सव समापन कार्यक्रमलाई सम्बोधन गर्दै उनले यस्तो बताएकी हुन् । संस्कृतिको संरक्षण गर्न यस्ता खालका मेला महोत्सवले अत्यन्तै महत्वपूर्ण योगदान पु¥याउने गरेको बताउँदै शिक्षामा अझै पछि परेको उनले उल्लेख गरिन् ।

महोत्सवले थारु समुदायलाई राजनीति भन्दा माथि उठेर एकरुपता ल्याएको जनाउँदै हरेक बर्ष माघ महिनामा मनाइने माघी खिचडी पर्व सद्भावको पर्व रहेको समेत उपप्रमुख थारुको भनाई छ ।

थारु जातिको पहिचान संरक्षण, सम्बद्र्धन गर्न यस क्षेत्रको नमुना बनाउन उमरीमा करोडौको लागतमा शिवराज नगरस्तरीय थारु संग्रहालय निर्माण कार्य भइरहेको उनले जनाइन् । संस्कृति झल्किने ऐतिहासिक पुर्खाैली सामग्री संकलन सुरु भइसकेको जनाउँदै अब छिट्टै नै संग्रहालय सञ्चालनमा ल्याउने समेत थारुले जिकिर गरिन् ।

यसैबीच शिवराज नगरपालिका–२ का वडाअध्यक्ष राम बहादुर थारुले कार्यक्रममा बाल्दै थारु समुदायको माघी पर्व नयाँ बर्षको रुपमा मात्रै नभएर आन्दोलनको रुपमा समेत मनाएको बताए । माघी पर्व उल्लासका साथ मनाउँदै गर्दा अपराधीलाई सजाय हुनुपर्छ तर रेशम चौधरी जस्ता निर्दाेष आफ्नो पहिचानको लडाइ गर्दा योजनाबद्घ तबरले फसाइनु थारुहरुको लागि दुर्भाग्य भएको उनले जनाए । रेशम जस्ता युवा देशसँगै हरेक समुदायलाई खाँचो रहेको बताउँदै अब थुना मुक्त गराउन माघी पर्वले सकारात्मक भूमिका खेल्ने अध्यक्ष थारुले दावी समेत गरे ।

थारु कल्याणकारीणी सभा कपिलवस्तु जिल्ला सचिव जगतदेव थारु, हरि चौधरी, राम नरेश थारु लगायतले थारु समुदायलाई अगाडि बढाउन सांस्कृतिक कार्यक्रम मात्रै नभएर शिक्षा लक्षित क्षेत्रलाई प्राथमिकतामा राखेर योजना ल्याउनुपर्ने धारणा राखेका थिए ।