खोज

नवलपरासी, २५ पुस ।

पश्चिम नवलपरासीमा अवैध रुपमा सञ्चालनमा रहेका ६ वटा क्रसर उद्योग बन्द गराईएको छ । गत पुस २० गते गृह मन्त्रालयले ७७ वटै जिल्ला प्रशासन कार्यालयलाई मापदण्ड विपरीतका क्रसर उद्योग बन्द गर्न परिपत्र गरेको थियो । जिल्लामा कुल ७ वटा क्रसर उद्योग रहेकोमा एउटा यसअघि नै बन्द थियो । गृहको परिपत्रको पालना गर्दे नियमविपरित संञ्चालनमा रहेका क्रसर बन्द गरिएको प्रमुख जिल्ला अधिकारी श्रवणकुमार पोखरेलले जानकारी दिए । उनका अनुसार बन्द गरिएका उद्योगलाई तिन दिन भित्र सक्कल कागजात सहित जिल्ला प्रशासन कार्यालयमा सम्र्पक राख्न भनिएको छ ।

सुनवल ११ को ईन्द्रेणी क्रसर उद्योग, सुस्ता ५ को ओम गिट्टी क्रसर उद्योग, बर्दघाट १३ को ओम बालुवा प्रशोधन उद्योग, सरावल २ को मामा भान्जा बालुवा गिट्टी प्रशोधन तथा निर्माण सामाग्रि प्रालि, सुनवल ४ मा नारायणगढ–बुटवल सडक आयोजनाको क्रसर र प्रतापपुर ९ मा हुलाकी सडक आयोजनाद्वारा सञ्चालित सञ्चालित क्रसरलाई बन्द गराईएको छ । सुनवल ४ मा रहेको लुम्बिनी रोडा क्रसर उद्योग यसअघि देखि नै बन्द छ । जिल्लामा ढुङ्गा, गिट्टी र बालुवा उत्खनन् बिक्री, तथा व्यवस्थापन मापदण्ड २०७७ विपरित कतिपय क्रसर उद्योग सञ्चालन हुँदै आएका छन् । यस्तै तोकिएको अवधि सकिएर पनि नविकरण नगराएका कतिपय कतिपय उद्योग पनि सञ्चालनमा छन् ।