खोज

बुटवल, २४ पुस ।

विश्वभरमा मानवलाई सामाजिक हितमा अग्रसर गराउने लायन्सका जन्मदाता लायन मेल्भिन जोन्सको १ सय ४४ सौ जन्मोत्सव सप्ताहमा विश्वभर नै विविध कार्यक्रम गरी मनाईदै आएको छ । रुपन्देही लायन्स क्लबमार्फत सामाजिक कार्यमा धेरै क्लबहरुले न्यानो कपडा वितरण, साइक्लिङ कार्यक्रमहरु गरेर मनाएका छन् । दिवसको अवसरमा लायन्स क्लब अफ बुटवल खस्यौलीले न्यानो माया कार्यक्रम अन्तर्गत सियारी गाउँपालिका वडा नं. ५ मा रहेका विपन्न तथा फरक क्षमता भएका परिवारलाई जाडोका कपडा बाँडेको हो । स्थापनाको १३ वर्षदेखि नै सामाजिक हितमा युवाहरुलाई जोड्ने काम भएको क्लबका निवर्तमान अध्यक्ष तथा कार्यक्रम संयोजक विष्णु उपाध्यायले बताए । पालिकाका ३० परिवारलाई पि फर्म, कम्मल, टोपी, मफलर बाडिएको उनले बताए । समुदायलाई सामाजिक कार्यमा सहकार्य गर्ने गरि थोरै थोरै सहयोग जुटाएर कार्यक्रम गरिएको उनले बताए ।

कार्यक्रममा पुर्वगर्भनर एमजिएफ महेन्द्र नारायण श्रेष्ठ, सियारी ५ का वडाअध्यक्ष धनपती खरेल, डिपुटी चिफ एमजिएफ मुक्ति प्रसाद श्रेष्ठ, एरिया चिफ एमजिएफ माधव खनाल, जोन चियरपर्सन दिपक श्रेष्ठले सहयोग सामाग्री हस्तान्तरण गरेका थिए । कार्यक्रममा क्लबका अध्यक्ष कमल देवकोटाले युवाहरुलाई संगठित गर्दै नेतृत्व, भातृत्व विकाससंगै सामाजिक कार्यमा लगाउने गरि योजनाहरु बनाएको बताए । सामाजिक कार्यमा योङ स्टाइल स्टोर काठमाण्डौ, एचआरएम स्टोर्स काठ्माडौ, मनकामना फेन्सी देविनगरका अनिश श्रेष्ठ, फोर सिजन सुजका सनम थापा, जेएस स्टोर्सका सन्तोष थापा र जीवन राना, अमन गुरुङ, सुरेन गहतराज, हिमाल थापाले सहयोग गरेको संयोजक शर्माले बताए ।

यसैगरी लायन्स क्लब अफ सिद्धार्थनगर प्रोगेसिभको आयोजनामा भैरहवामा सिटि साइक्लिङ (लायन्स साइक्लिङ र्याली) सम्पन्न भएको छ । क्लबका अध्यक्ष सुनिल सेन्चुरी ‘स्वास्थ्य र पर्यावरणका लागि’ भन्ने नारा सहित सचेतनामूलक कार्यक्रम गरिएको बताए । स्वस्थ्य र खेलमा आवद्ध गराउन जरुरी रहेको उनले बताए । भैरहवा लुम्बिनी गेटबाट सुरु भएको साइक्लिङ गौतमबुद्ध अन्तर्राष्ट्रिय विमानस्थल, गल्लामण्डी, पिप्रहिया, दुर्गा कोलोनी, मेडिकल कलेज, आँखा अस्पताल, देवकोटा चोक, बुद्ध चोक, नारायण स्थान, उज्यालो चोक, मिलन चोक हँुदै बैक रोडमा समापन गरिएको थियो । साइक्लिङ कार्यक्रमको शुभारम्भ गर्दै लायन्स इन्टरनेश्नल डिष्ट्रिक ३२५ पि का गभर्नर नवराज न्यौपाने स्वस्थ्य रहेमात्र सामाजिक कार्यमा अग्रसर हुन सकिने भन्दै नया र नमुना कार्यहरुमा अग्रसर हुनुपर्ने बताए । कार्यक्रम संयोजक कन्चन श्रेष्ठले रुपन्देहीका ३३ जना साईक्लिष्टहरु सहभागी रहेको बताए ।