खोज

बुटवल, २३ पुस ।

रुपन्देहीको बुटवल उपमहानगरपालिका–११, देवीनगरस्थित देवसिद्ध खानेपानी तथा सरसफाई उपभोक्ता संस्थाको ११ औं वार्षिक साधारणसभा शनिबार सम्पन्न भएको छ । संस्थाका अध्यक्ष भरत पाठकको अध्यक्षतामा भएको कार्यक्रममा बोल्दै खानेपानी तथा सरसफाई डिभिजन कार्यालय, रूपन्देहीका प्रमुख गुणानिधि पोखरेलले सबै जिल्लाबासीलाई स्वच्छ खानेपानी पुु¥याउने योजनामा डिभिजन कार्यालयको रहेको बताए । उनले पानीका स्रोतहरु जोगाउन आवश्यक रहेको भन्दै त्यसतर्फ लाग्न सबै समक्ष आग्रह गरे । संस्था अध्यक्ष पाठकले ११ वर्ष अगाडि स्थानीयबासीको पहलमा स्थापना भएको देवसिद्ध खानेपानी संस्था गुुरूयोजना बनाएर अगाडि बढेको बताए ।

सहकारीका सचिव लोकराज शर्माले आगामी आर्थिक वर्षभित्र बुटवल उपमहानगरपालिकाको सहकार्य र सह–लगानीमा फोहोर प्रशोधन गर्न नगरपालिकाहरु र खानेपानी संस्थाहरुको सहकार्यमा कम्पोष्ट मल उत्पादन गर्नेतर्फ अगाडि बढिएको बताए । कार्यक्रममा वडा अध्यक्ष रामचन्द्र क्षेत्री, खानेपानी तथा सरसफाई उपभोक्ता महासंघका केन्द्रीय सदस्य धु्रव धिताल, कालिकानगर खानेपानी तथा सरसफाई उपभोक्ता संस्थाका अध्यक्ष खगप्रसाद पुन, संस्थाका संस्थापक अध्यक्ष भक्तबहादुर कार्की, उपभोक्ता प्रतिनिधि सदस्य दुर्गा थापा मगर, कृष्णप्रसाद पोखरेल, उपाध्यक्ष लालबहादुर थापा, सचिव लोकराज शर्मालगायतले बोलेका थिए ।

साधारणसभामा कोषाध्यक्ष डम्बरबहादुर थापा, लेखा समिति संयोजक हिमलाल न्यौपानेले प्रस्तुत गरेको प्रतिवेदन पारित गरेको छ । सो अवसरमा ज्येष्ठ उपभोक्तालाई सम्मान, चारवटा टोल विकास क्षेत्रबाट स्वच्छ घरलाई प्रशंसापत्र, असल कर्मचारी पञ्चमान कामीलाई सम्मान गरिएको थियो । संस्थाका १ हजार २५७ उपभोक्ता रहेका छन् ।