खोज

बुटवल,  पुस अक्षर चिन्ने रहर हुदाहुदै पनि घरायसी कारणले बन्चित भएका देवदहका महिलाहरुलाई प्रौढ शिक्षा संचालन गरिएको छ । रोटरी क्लब अफ बुटवल डाउनटाउनको आयोजना तथा श्री चेली कृषि सहकारी संस्था लिमिटेडको सहयोगमा देवदह खैरेनीका विपन्न, दलित महिलाहरुलाई ३ महिने निशुल्क प्रौढ शिक्षा कार्यक्रम दिईएको हो । घरकै कामकाजमा दिन बिताएका महिलाहरुलाई साक्षर बनाउने सरकारी लक्ष्यसंगै मिल्ने गरि आफुहरुले कार्यक्रम गरेको क्लबका अध्यक्ष भरत रानाले बताए ।

सामाजिक क्षेत्रको आवश्यकता र मागलाई मध्येनजर गरि क्लबबाट योजना बनाएर काम गर्दै आएको उनले बताए । वर्षभरि नै शिक्षा, स्वस्थ्य, सरसफाईका साथै महिला शसक्तिकरणको क्षेत्रमा आफुहरु काम गर्दै आएको उनले बताए । सो क्षेत्रका महिलाहरुलाई आर्थिक रुपमा सबल बनाउने उद्येश्यका साथ विभिन्न सीपमुलक तालिमहरु समेत संचालन गर्दै आएको उनले बताए । सिलाईकटाई तालिमबाट धेरै फाईदा मिलेको भन्दै आगामी दिनमा सो क्षेत्रमा ब्युटिसियन तालिम समेत संचालनको तयारी रहेको उनले बताए ।

एक कार्यक्रमका बिच प्रौढ शिक्षामा सहभागी ३० जना महिलाहरुलाई प्रमाणपत्र बितरण गरिएको छ । क्लबका अध्यक्ष राना, चेली कृषि सहकारी संस्था लिमिटेडका अध्यक्ष सावित्रा बश्याल, क्लबका ईलेक्ट प्रेसिडेन्ट कमला हमाल, भिपि प्रथम धर्म ज्ञवाली, सविता सैजुले सहभागीहरुलाई प्रमाणपत्र वितरण गरेका थिए ।
प्रौढ कक्षालाई प्रशिक्षक हिमाल न्यौपानेले प्रशिक्षण दिएकी थिईन । सहभागीहरु ३ महिनाको कक्षाबाट चिठीपत्र पढ्न, लेख्न सक्ने, मोबाईल चलाउने, बाटमा लेखिएका बोर्डहरु पढ्न सक्ने भएको उनले बताईन । कार्यक्रम संयोजक तेज कुमारी लुईटेलले प्रौढ कक्षा धेरै उपलब्धिमुलक भएको बताईन । आगामी दिनमा हस्तकला उत्पादन, सीप विकासका तालिमहरु समेत संचालन गरिने उनले बताईन ।