खोज

बुटवल, १६ पुस ।

थोर्गा रुपन्देही सम्पर्क समाजको तेस्रो अधिवेशनबाट ३ वर्षे कार्यकालका लागि ओम ज्ञवालीको अध्यक्षतामा १५ सदस्यीय नया नेतृत्व सर्वसम्मत निर्वाचित भएकाो छ। शनिबार समाजको सम्पन्न अधिवेशनबाट उपाध्यक्षमा खगेश्वर भण्डारी, सचिव षडानन्द पोखरेल, कोषाध्यक्ष विदुर ज्ञवाली, सहकोषाध्यक्ष लक्ष्मण गौतम, सहसचिव मुक्ति ज्ञवाली तथा सदस्यहरुमा केशव ज्ञवाली, प्रेम प्रसाद पोखरेल, कृष्ण ज्ञवाली, कोशु सनानी, अच्युत ज्ञवाली, मदन ज्ञवाली, चिन्तामणि ज्ञवाली, रामचन्द्र ज्ञवाली, ईश्वरी ज्ञवाली सर्वसम्मत निर्वाचित भएको निर्वाचन समितिका सदस्य राम प्रसाद पोखरेलले बताए।

कार्यक्रमको एक समारोहका बीच समाजसेवी तथा लुम्बिनी चिनि कारखानाका पुर्व जिएम कमल ज्ञवालीले उद्घाटन गर्दै समाज रुपान्तरणमा संस्थागत रुपमा कार्य गर्दै आएको बताए। पदभार ग्रहण गर्दै नवनिर्वाचित अध्यक्ष ज्ञवालीले थोर्गा स्थाई घर भई रुपन्देही झरेका बासिन्दाहरुमा भातृत्व विकास हुने गरि एकतावद्घ गराउने संस्थाको मुलमर्म अनुसार अघि बढ्ने प्रतिवद्घता जनाए। यसैगरी सामाजिक कार्यमा समेत अग्रसर हुने उनले बताए।

कार्यक्रममा समाजका अध्यक्ष मिनप्रसाद पोखरेलले आफनो कार्यकालमा रुरु गाउपालिकाको ९ विद्यालयमा सेनेटरी प्याड, साबुन, मास्क वितरणर रक्तदान कार्यक्रम, मृगौला रोगीलाई आर्थिक सहयोग, कोभिड सचेतना लगायतका कार्यक्रम गरेको बताए। अधिवेसनकै क्रममा थोर्गाबाट रुपन्देहीका विभिन्न संघसंस्थाहरुमा नेतृत्व गरेकाहरुलाई सम्मान समेत गरिएको थियो। समाजमा हाल करिब २ सय ५० सदस्य आवद्घ रहेका छन।