खोज

बुटवल, १५ पुस

बुटवल नयागाउमा मुक्तिनाथ धामको स्थापना गरि धार्मिक पर्यटनको विकासमा योगदान दिएका धामका पिठाधिस ब्रह्मनिष्ठ १००८ लोकानन्द स्वामीको ५५ औ प्रकट दिवस मनाईएको छ । बिहिबार रुपन्देहीका विभिन्न धार्मिक संघसंस्था, समाजसेवीहरुको उपस्थितिमा धाम परिसरमा शुभकामना, आरती, भजनकृतनसहित विविध कार्यक्रम प्रकट दिवस भब्य रुपमा मनाईएको हो ।
कार्यक्रममा लुम्बिनी प्रदेशका पुर्व स्वस्थ्यमन्त्री तथा प्रदेश सभा सदस्य भोजप्रसाद श्रेष्ठ, प्रदेश सभा सदस्य लिला गिरि, बुटवल उपमहानगरपालिकाका नगरप्रमुख खेलराज पाण्डे, निवर्तमान नगरप्रमुख शिवराज सुवेदी, निवर्तमान उपप्रमुख गोमा आचार्यले हिन्दु धर्मको महत्वलाई बुझाउने र यसको प्रचारप्रसारमा स्वामीको योगदानको चर्चा गरेका थिए । धर्मावलम्बीहरुका एक पवित्र तिर्थस्थल मुक्तिनाथ मन्दिरको स्वरुप बुटवलका साथै धनगढी, नेपालगंजको बासगढी, कपिलबस्तुमा २५ बिगाहा क्षेत्रमा गुरुकुल संचालनमा ल्याएर नमुना काम भएको छ । कपिलबस्तुमा वृद्धाश्रम समेत संचालनको तयारी रहेको छ । देशभित्र नै धार्मिक पर्यटक भित्राउने गरि पुर्वाधार विकासमा स्वामीको योगदान रहेको उनिहरुले बताए । कार्यक्रममा प्रचारप्रसार संयोजक गोपाल पाण्डेले दीर्घकालिन सोच र संकल्प भएमा योजनाहरु छोटो समयमा पुरा हुने बताए । पत्रकारीता क्षेत्रबाट धार्मिक पर्यटनमा योगदान पुर्‍याउनेलाई मुक्तिनाथ धामले वितरण गर्ने मुक्तिनाथ पत्रकारीता पुरस्कार २०७९ बाट पाल्पाका पत्रकार भुवन रायमाझीलाई सम्मान गरिएको छ ।
हाल नयागाउमा मुक्तिनाथ मन्दिर, मुक्तिनाथबाट ल्याएको अखण्ड दीप, अखण्ड यज्ञशाला, गणेश मन्दिर, बिशाल शिवलिङ, आरती भवन, गौशाला, हवन यज्ञका साथै तिर्थालु बस्न मिल्ने एक सय जना क्षमताको कक्षहरु रहेको छ ।