खोज

चन्द्रौटा (कपिलवस्तु), १० पुस ।

जस्मिन थारु घर खर्चसँगै व्यवहार चलाउन कष्टकर जीवन बिताइरहेकी थिइन । उनको श्रीमानले मात्रै घर व्यवहारसँगै बालबच्चा पढाउन लगायत समस्याले ग्रस्त बनाएको थियो ।

त्यही समस्या समाधानको विकल्पको खोजीमा भौतारिंदै श्रीमान श्रीमतीबीच सल्लाह आउँछ । श्रीमान मात्रै सदैव काममा खटिरहँदा आफूले पनि केही काम गर्ने सोंच गरेर श्रीमानलाई प्रस्ताव गर्छिन् जस्मिन, अटो रिक्सा किन्ने । श्रीमानबाट स्विकारपछि करिब चार माहिना अगाडि अटो किनेर उनको श्रीमान वैदेशिक रोजगारीमा जान्छन् ।

अहिले जस्मिनको दैनिकी एकाविहानै उठेर घरायसी काम सकाएर बालबच्चालाई विद्यालय पु¥याएर चन्द्रौटा बजारमा बित्ने गरेको उनी बताउँछिन् । कपिलवस्तुको शिवराज नगरपालिका वडा नम्बर ५ घर भएकी थारुले विद्युतीय अटो चलाएर मनग्ये आम्दानी गरेको बताउँछिन् । उनी भन्छिन् –“आफ्नै कमाइले दुई बच्चालाई पढाईरहेकी छु । घर खर्च जुटाएर बचेको पैसा बचत गर्छु ।”

“बिहान १० बजेपछि अटो चलाउन निस्केपछि साँझ करिब ५ बजेतिर घर फर्किन्छु”–थारुले भनिन् । उनले कुनै बेला सवारीहरुले लागेको भाडा नतिर्ने र अटो रिक्सामा बसेको बेला छाडा बोल्दा भने अलि अप्ठ्यारो लाग्ने गरेको सुनाइन् । तर आफ्नो काम यात्रुलाई गन्तव्य सम्म पु¥याउने रहेको उनको भनाई छ । जस्मिन थारुको श्रीमानले वैदेशिक रोजगारीबाट आएको र आफूले कमाएको पैसाले घर खर्च तथा ऋण तिरेर सानो सानो रकम बचत गर्छिन् ।

यात्राको क्रममा कतिपय बालबालिका तथा बृद्घबृद्घाहरुको भाडा नै नलिने गरेको उनी बताउँछिन् । श्रीमान विदेश हुँदै अटो किनेर चलाउनु पु¥यो भन्ने उनले प्रस्ताव राख्दा एक्लै कमाएको पैसा मासिने बचत गर्न नसकिने उनको श्रीमानले भनेको बताइन् । यसरी आफूले आम्दानी गर्न थालेपछि परिवार चलाउन सहज हुनुका साथै बचत गरेर बालबच्चालाई इन्जिनियर बनाउने सपना पूरा गर्ने बताउँछिन् ।

आफूले स्थानीयस्तरमा आम नागरिकलाई सेवा गर्दै आम्दानी गर्दा सन्तुष्टि मिल्ने गरेको उनले अनुभव सुनाइन् । करिब दिनहुँ एक हजारदेखि ४ हजारसम्म हुने गरेको थारुको भनाई छ । अहिले पनि यस क्षेत्रका कतिपय महिलाहरु बर्षाैँसम्म घरबाट बाहिर न निस्कने महिलाहरुको लागि अत्यन्तै राम्रो उदाहरण समेत जस्मिन बनेकी छन् ।