खोज

सरकारले कोरोना भाइरस नयाँ स्वरुमा देखापर्न सक्ने भन्दै सतर्कता अपनाउन सवै नागरिकसंग आग्रह गरेको छ । यद्यपि नेपालमा पछिल्लो भेरिएन्ट बि. एफ. ७ अहिलेसम्म देखापरेको भने छैन । सरकारले विश्वव्यापी रूपमा केही देशमा संक्रमणका नयाँ स्वरूपमा कोरोना जोखिम बढी रहेकाले सचेत रहन आग्रह गरेको हो । पछिल्लो समय चीन, ब्राजिल, जापान र भारत लगायतका देशमा कोभिड–१९ संक्रमणको जोखिम विश्वमा फरक स्वरूपमा देखिरहेकाले नेपालमा सतर्कता अपरिहार्य वनेको छ । सरकारले समेत पूर्व तयारी स्वरुप सम्पूर्ण प्रवेश बिन्दुका हेल्थडेस्कलाई तथा स्वास्थ्य संस्थालाई आवश्यक तयारी अवस्थामा रहन आग्रह गरिसकेकोले आम नागरिकले सावधानी अपनाउनु पर्ने देखिएको छ । सरकारले नागरिकलाई आग्रह गरेरमात्र पुग्दैन नयाँ भेरियन्ट फैलिँदै गरेको अवस्थामा सरकारका तर्फबाट स्वास्थ्य मन्त्रालयले निगरानी बढाउने एवम् सम्बन्धित देशहरूसँग समन्वय गर्ने काम गर्नुपनि अप जरुरी भैसकेको छ । गरिरहेको मन्त्रालयद्वारा जारी विज्ञप्तिमा उल्लेख छ ।

हरेक वर्ष कोरोनाको नयाँ स्वरुप देखिदै गएको छ । अहिले छिमेकी मुलुक भारतमा बि.एफ. ७ पुष्टी भएको छ । यद्यपि अहिलेसम्म नेपाल भने जोगिएको छ । अव नेपाली नागरिकसंग मन्त्रालयले कोरोना संक्रमण फैलन नदिन मास्कको प्रयोग गर्न, भौतिकरूपमा दूरी कायम राख्न र हातको सरसफाइमा विशेष ध्यान दिन अनुरोध गरेको छ । सरकारको अनुरोधलाई सवै नागरिकले ऐक्यवद्धता प्रदर्शन गर्नु जरुरी छ । कोरोनाको पछिल्लो यो भेरिएन्टले केही देशमा महामारीको रुप लिएको छ । दैनिक सयौं संक्रमित थपिदै गएका छन । चीनमा दैनिक दशौं लाखको हाराहारीमा संक्रमित थपिदै गएका छन । चीनमा संक्रमण बढ्दै गएपनि आम नागरिकमा लापरबाही दिन प्रतिदिन बढिरहेको छ । अझैपनि मास्क लगाउने विषयमा आम नागरिक सचेत देखिदैनन् । भारतमा देखिएको पछिल्लो भेरिएन्टलाई कडा प्रकृतिको भेरिएन्ट भनिएको छ । यो डरलाग्दो अवस्था हो । यो भाइरस संक्रमणको विकास भारतबाटै भएको हो वा अरु कुनै देशबाट आएको हो भन्ने अनिश्चित छ तर यसका विषयमा चिकित्सकहरुले समेत अनुसन्धान गरिरहेकोले केही समयभित्रै निक्र्यौल हुनेछ । भारतमा बिएफ ७ पुष्टी भएकोले भारतसँग सीमा जोडिएका अधिकांश प्रवेशद्वारमा निगरानी बढाउनु जरुरी छ । पछिल्लोसमय देखिएको बिएफ ७ भाइरसले विशेषगरी ५ देखि १८ वर्षसम्मका बालबालिकालाई संक्रमण बढाएको छ । चीनमा त यो भाइरसले गंभीर अवस्था सिर्जना गरेको छ । तसर्थ चीनको नियती नेपालमा नदोहारियोस भन्नकै लागि नेपालमा सतर्कता आवश्यक छ । विएफ ७ कोरोना भेरिएन्ट नेपालमा आउन नदिन सरकारसंगै सवै नागरिकले स्वास्थ्य सतर्कता अपनाउनु जरुरी छ ।

नेपालमा अहिलेसम्म कोरोनाका कारण १२ हजार नेपालीको मृत्यु भैसकेको छ । तसर्थ कोरोना आउनेक्रम अझैपनि कायमै रहेकोले सवै नेपालीले स्वास्थ्य सावधानी अपनाउनु अपरिहार्य छ । खासगरी सरकार यो विषयप्रति गंभीर हुन जरुरी छ । सरकार गंभीर भएमात्रै नागरिक सचेत हुनेछन् । तसर्थ प्रारम्भिक अवस्थामा सावधानी अपनाउने हो भने पछिल्लो भेरिएन्ट नेपाल आउन नसक्ने अवस्था बन्न सक्छ । त्यसका लागि फेरीपनि मास्कको अनिवार्य प्रयोग, सावुन पानीले हात धुने, स्वास्थ्य मापदण्ड पालना गर्ने र जोखिमको अवस्था देखिए तत्काल अस्पताल जानेतर्फ ध्यान दिनु जरुरी छ । नेपालले पूर्व तयारी स्वरुप सावधानी अपनाउनै पर्दछ । अझैपनि गंभीर भएर सोचिएन भने नेपालले फेरीपनि मानवीय क्षति व्यहोर्नुपर्ने अवस्था आउन सक्छ । विगतमा लापरवाही गर्दा मुलुकले ठूलो मानवीय क्षति भोगेको हो । तसर्थ यस विषयमा नेपाल सरकार, प्रदेश सरकार र स्थानीय तहसंगै नेपाली नागरिक सचेत बन्नुपर्दछ ।