© २०२३
१९ मंसिर २०८२, शुक्रबार
१९ मंसिर २०८२, शुक्रबार
दाङ, ८ पुस ।
दाङमा शुक्रबार सवारी दुर्घटना हुँदा एक जनाको मृत्यु भएको छ भने एक जना घाइते भएका छन् । तुलसीपुरबाट घोराही तर्फ आउँदै गरेको रा १ ख २३७५ नं. को बसले विपरित दिशाबाट जाँदै गरेको रा २ प ५२५५ नम्बरको मोटरसाइकललाई घोराही– १६ सर्रामा ठक्कर दिदा मोटरसाइकल चालक दंगीशरण गाउँपालिका वडा –७ का १७ वर्षका क्रिश खड्काको बाँया खुट्टा र ढाडमा चोट लागेको जिल्ला प्रहरी कार्यालय दाङका प्रहरी नायव उपरीक्षक एवम् प्रहरी प्रवक्ता राजनकुमार गौतमले जानकारी दिए ।
सोही मोटरसाइकलमा पछाडि सवार रहेकी अनुमानित १८ वर्षकी महिलाको उपचारको क्रममा क्रममा मृत्यु भएको छ । उनको नाम थर नखुलेको प्रहरीले जनाएको छ । बस र बस चालक प्रहरीले नियन्त्रणमा लिएर अनुसन्धान थालेको छ भने घाइते खड्को राप्ती स्वास्थ्य विज्ञान प्रतिष्ठानमा उपचार भैरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
