खोज

गुल्मी, ३ पुस ।

राष्ट्रिय लोक तथा दोहोरी गीत प्रतिष्ठान गुल्मीको अध्यक्षमा गायिका शिलु भट्टराई निर्वाचित बनेकी छन । सनिवार गुल्मीको सदरमुकाम तम्घासमा सम्पन्न प्रतिष्ठानको सातौं जिल्ला अधिबेशनले भट्टराईलाई सर्वसम्मत रुपमा अध्यक्षमा निर्वाचित गरेको हो ।

शनिवार राति अबेर सम्पन्न अधिवेशनले भट्टराईसँगै अन्य सम्पूर्ण पदाधिकारी र कार्यसमिति समेत निर्विरोध निर्वाचित गरेको लोक तथा दोहोरी गीत प्रतिष्ठान गुल्मीका निवर्तमान अध्यक्ष वसन्त खत्रीले बताए ।

सातौं जिल्ला अधिवेशनले आगामी दुई वर्षका लागि प्रतिष्ठानको प्रथम उपाध्यक्षमा मोहन बस्नेत, द्वितीय उपाध्यक्ष श्रीधर पोखरेल, महिला उपाध्यक्षमा धनमाया राना, सचिवमा गणेश अधिकारी, सहसचिवमा अनिल खत्री, कोषाध्यक्षमा, लोकेन्द्र कुँवर, सह कोषाध्यक्षमा कमल कँडेल सहित २१ सदस्यीय नयाँ कार्य समिति चयन गरेको छ ।

अधिवेशनबाट गठिट विभागहरु अन्तर्गत खेलकुद विभाग संयोजकमा सन्दिप जिसी साँस्कृतिक विभाग संयोजकमा लालुमाया कुँवर र प्रवक्तामा सदस्य धनेन्द्र कुँवरलाई चयन गरेको छ । कार्यक्रममा लोक तथा दोहोरी गीत प्रतिष्ठान नेपालका केन्द्रीय अध्यक्ष रमेश बिजि, सचिव पुष्कल शर्मा, लोक तथा दोहोरी गीत प्रतिष्ठान लुम्बिनी प्रदेश अध्यक्ष डिल्ली नारायण पाण्डे लगायतका व्यक्तिहरुले निर्वाचित कार्यसमितिलाई बधाई दिदैं लोक संस्कृतिको जगेर्ना गर्न प्रतिष्ठानको महत्वपूर्ण भूमिका रहेको बताएका थिए ।