खोज

स्वस्तिक श्रेष्ठ

बुटवल, १ पुस । रुपन्देहीका महिला क्रिकेटरहरुको खेल क्षमता विकास गर्ने उद्देश्यका साथ ४ दिने क्याम्प सम्पन्न भएको छ । राष्ट्रिय टिमबाट प्रतिनिधित्व गर्ने ३ जना अन्तराष्ट्रिय तथा जुनियर महिला खेलाडीहरु गरि ३० जनालाई विशेष प्रशिक्षण तथा ३०–३० ओभरको सिरिज पनि खेलाईएको हो । बुटवल उपमहानगरपालिकाको आर्थिक सहयोगमा पृथ्वी नारायण शाह स्पोर्टस प्रतिष्ठानको आयोजना तथा बुटवल क्रिकेट विकास समितिको सहकार्यमा बुटवल उपमहानगरपालिका वडा नं १६ स्थित उजिरसिह क्रिकेट मैदानमा मंसिर २५ गते शुरु भएको कार्यक्रम विहिबार समापन भएको प्रतिष्ठानका अध्यक्ष निरजप्रताप खाडले बताए । महिला खेलाडीहरु लक्षित गरि राष्ट्रिय लिग तथा अन्य प्रतियोगिता नहुने गरेको दुखेसो गर्दै उनले बुटवलबाट शुरुवात गरिएको उनले बताए । कार्यक्रमबाट खेलाडीहरुमा ब्याटिङ, बलिङ, फिल्डिङ क्षमता वृद्धि गर्दै खेलमा निखारता ल्याउने उनले दाबी गरे । आगामी दिनमा पनि यस्ता प्रशिक्षण कार्यक्रमलाई जोड दिने उनले बताए । महिला खेलाडीहरुलाई दुई दिन क्रिकेट खेलबारे राष्ट्रिय कोच बसन्त शाही, घनश्याम थारुले प्रशिक्षण दिएका थिए । दुई दिन दुई वटा समुहमा बाडेर ३० ओभरको म्याच खेलाईएको उनले बताए । प्रतियोगितामा कृतिका मरासिनी बेष्ट प्लेयर, उत्कृष्ट बलर, तथा आश्मा पुलामी बेष्ट ब्याट्सम्यानबाट पुरस्कृत भएकी थिईन ।
समापन कार्यक्रममा प्रदेश खेलकुद परिषद लुम्बिनीका सदस्य सचिव जयप्रकाश भट्टराईले नेपाली राष्ट्रिय टिमले अन्तराष्ट्रिय मन्चमा छोटोसमयमा उपलब्धि हासिल गर्न सफल भएको भन्दै खेलाडी उत्पादनमा उवर्ररभुमि रुपन्देहीमा पुर्वाधार विकासमा सहयोग गर्ने प्रतिवद्धता जनाए । कार्यक्रममा प्रदेश क्रिकेट संघका सचिव संजय गुरुङ, वडा नं १६ का अध्यक्ष कृष्ण पौडेल, बुटवल उद्योग वाणिज्य संघका महासचिव विमलराज भट्टराई, प्रतिष्ठानका सचिव गौतम रिजालले सहभागी खेलाडी, उत्कृष्ट खेलाडीहरुलाई पुरस्कार, प्रमाणपत्र तथा मायाको चिसो बितरण गरेका थिए ।