खोज

बुटवल मंसिर – भैरव बचत तथा ऋण सहकारी सस्थाको १५ औं बार्षिक साधारण सभा तथा छैठौ अधिवेसन बुटवलमा भएको छ ।
अधिवेसन बाट अध्यक्षमा ढाकाराम न्यौपाने चयन भएका छन् । यस्तै उपाध्यक्षमा केशवराज न्यौपाने, सचिवमा सर्मिला ढकाल, कोषाध्यक्षमा बाबुराम ज्ञवाली र सदस्यमा चन्द्र कुँवर, रन्जु बेल्बासे, ठाकुर खड्काक्षेत्री, लिलाधर नेपाल, देवराज खनाल, चयन भएका हुन । यस्तै नारायण प्रसाद खनाल को संयोजकत्वमा लेखा समिति चयन गरिएको छ । जसको सदस्यमा प्रज्जवल अर्यालचयन भएका हुन ।
यस अघि साधारण सभामा बोल्ने बक्ताहरुले उदेश्य मिल्ने सहकारीहरु मर्जरमा जानुपर्ने बताए ।

कार्यक्रममा बोल्दै बुटवल उपमहानगरपालीकाका सहकारी विभाग प्रमुख गुणखर खनालले सहकारीहरु मर्जरमा जानुको विकल्प नभएको बताए । उनले सहकारीको संख्या मात्रै वृद्धि हुँदा विकृति बढेको भन्दै सहकारीहरु गाभिएर एकिकृत कारोबार गर्नुपर्ने बताएका हुन ।
इलाका प्रशासन कार्यालय बुटवलका प्रमुख धुब नेपालले नेपालमा सहकारीको स्थापना २०४८ सालमा सुरु भएको भन्दै तीस बर्ष सम्म आईपुग्दा धेरै सहकारीको आर्थीक व्यवस्थापन राम्रो भएको बताए ।

प्रदेस कोष तथा लेखा नियन्त्रण कार्यालय बुटवलका प्रमुख दीपक ज्ञवालीले सहकारी भनेको सानो सानो बचतबाट सञ्चालन गर्ने संस्था भएको कारण यसले आर्थिक व्यवस्थापन चुस्तता राख्नुपर्नेमा जोड दिएका थिए । भैरब बचत तथा ऋण सस्थाका अध्यक्ष देबिप्रसाद भुसालले सस्थाले आथिक सुशासनलाई मुख्य मानेर काम गरिरहेको बताएका थिए । सहकारीमा ४ सय ३७ सदस्य रहेका छन् । सहकारीका उपाध्यक्ष केशवराज न्यौपाने, संस्थापक अध्यक्ष दिपक चापागाई, लेखा समिती सयोजक नाराण खनाल, शेयरसदस्य सहदव श्रेष्ठ, सर्मिला ढकाल लगायतले बोल्दै पछिल्लो आर्थिक अवस्थालाई मध्यनजर गर्दै सहकारी अगाडी बढ्नु पर्ने बताएका थिए ।