खोज

बुटवल, २२ मंसिर ।

अटो ब्यवसायमा आवद्ध देशभरका ब्यवसायीहरु आन्दोलनमा उत्रिएका छन् । ब्यावसायिक हित विपरित नेपाल राष्ट्र बैकको नीतिको बिरोध गर्दै ब्यवसायीहरु आन्दोलित भएका हुन् । लुम्बिनी अटो मोवाइल्स एशोसिएशन नेपाल (नाडा लुम्बिनी) ले पनि आन्दोलनका कार्यक्रमलाई निन्तरता दिएको छ ।

नाडा लुम्बिनीका ब्यवसायीहरुले ज्ञापनपत्र बुझाउनेदेखि शान्तिपूर्ण धर्नाका कार्यक्रमहरु गरिरहेका छन् । विहीबार बुटवल बसपार्कमा प्लेकार्ड प्रदर्शनसहितको शान्तिपूर्ण विरोध कार्यक्रम गरेका छन् । अटो व्यवसायीहरुको दबाबपछि सवारी साधनहरुको आयात खुले पनि अझै धेरै जटिलताहरु रहेको सहभागीहरुले दुःखेसो गरे ।

राष्ट्र बैंकको नीतिका कारण सवारीसाधनको बिक्री वितरण गर्ने वातावरण नभएको उनीहरुले बताए । नाडा लुम्बिनी अध्यक्ष गणेश भट्टराइले अटो व्यवसायीका मागहरु सरकार र राष्ट्र बैंकले पूरा नगरेसम्म आन्दोलन जारी राख्ने बताए । सरकारसँग व्यवसायीमैत्री नीति ल्याउन विभिन्न चरणमा आन्दोलन गरिरहेको उनले बताए ।

सवारी आयात गर्न खुला भएपनि एलसीमार्फत गाडी आयात गर्दा ५० प्रतिशत नगद मार्जिन कायम रहेको भन्दै यो प्रावधान हटाउनुपर्ने उनले बताए । गाडी आयातमा ५० प्रतिशत मार्जिन, ५० प्रतिशत मात्रै फाइनान्सिङ गर्न पाइने व्यवस्था अटो व्यवसायीहरुको हित बिपरित भएको भन्दै मार्जिनलाई पुरानै अवस्थामा ल्याउनुपर्ने र ८० प्रतिशत फाइनान्सिङ गर्न बनाउनुपर्ने माग ब्यवसायीहरुको रहेको उनले बताए । नाडा लुम्बिनीका पदाधिकारीहरुले यसअघि नेपाल राष्ट्र बैङ्क भैरहवामा ज्ञापनपत्र समेत बुझाएको थियो ।