खोज

बुटवल, २१ मंसिर ।

पछिल्लो चार महिनामा लुिम्बनी प्रदेशमा सवारी साधन दुर्घटनाबाट १६५ जनाले ज्यान गुमाएका छन् । दुर्घटनामा १७५ जना घाईते भएका छन् । उनीहरुको विभिन्न अस्पतालहरुमा उपचार भैरहेको ट्राफिक प्रहरी कार्यालय बुटवलले जनाएको छ ।

दुर्घटनामा परी १०९ जना सामान्य घाईते भएका छन् । लुिम्बनी प्रदेशका १२ जिल्लामा भएका सडक दुर्घटनाहरुमा धेरै दुर्घटना हुनेमा रुपन्देही जिल्ला पहिलो नम्बरमा देखिएको छ । रुपन्देहीमा गएको चार महिनामा ११४ वटा सवारी दुर्घटना भएका छन् । दुर्घटनाबाट ३८ जनाले ज्यान गुमाएको प्रहरीको तथ्यांक रहेको छ । दुर्घटनामा परी ६१ जना गम्भीर घाईते भएका छन् भने १९ जना सामान्य घाईते भएका छन् । धेरै दुघटना हुनेमा कपिलबस्तु जिल्ला पनि परेको छ गएको चार महिनामा ६० वटा सवारी दुर्घटना भएकोमा २७ जनाको मृत्यु भएको छ । ४४ जना गम्भीर घाईते भएका छन् । १२ जना सामान्य घाईते भएको प्रहरीले जनाएको छ ।

बाँके जिल्लाभरी चार महिनामा ५८ वटा सवारी दुर्घटना भएकोमा २२ जनाको मृत्यु भएको छ । २८ जना मानिस गम्भीर घाईते भएका छन् भने १७ जना सामान्य घाईते भएको प्रहरीले जनाएको छ । दाङमा गएको चार महिनामा ५२ बटा सवारी दुर्घटना भएकोमा १५ जनाको मृत्यु भएको छ । ३५ जना गम्भीर घाईते भएका छन् । नवलपरासी पश्चिममा चार महिनामा २७ वटा सवारी दुर्घटना भएकोमा १२ जनाले ज्यान गुमाएका छन् । १४ जना गम्भीर घाईते भएको ट्राफिक प्रहरी कार्यालय बुटवलले जनाएको छ । बर्दियामा गएको चार महिनामा २६ वटा सवारी दुर्घटना भएकोमा ९ जनाले दुर्घटनाबाट ज्यान गुमाएका छन् । २२ जना गम्भीर घाईते भएका छन् ।

• मसिर महिनाको १९ दिनमा प्रदेशमा ३१ दुर्घटनाबाट बाट २३ जनाको ज्यान गुमाएका छन्भने २६ जना गम्भीर घाईते छन् । तीव्र गतिका कारण सवारी नियन्त्रण हुन नसकेर, ट्राफिक लेनको प्रयोग नगर्दा धेरै दुर्घटना हुने गरेको पाइएको हो ।

पाल्पामा गएको चार महिनामा २१ दुर्घटना भएकोमा १२ जनाले ज्यान गुमाएका छन् भने १४ जना गम्भीर घाईते भएको देखिएको छ । प्युठान जिल्लामा चार महिनामा १६ वटा दुर्घटना भएकोमा १२ जनाले दुर्घटनाबाट ज्यान गुमाएका छन् । ३४ जना गम्भीर घाईते भएको प्रहरीले जनाएको छ । अर्घाखाँची जिल्लामा चार महिनामा १० वटा दुर्घटना भएकोमा तीन जनाको मृत्यु भएको छ भने ६ जना घाईते भएका छन् । रोल्पामा ८ वटा सवारी दुर्घटना भएकोमा ५ जनाको मृत्यु भएको छ । ९ जना घाईते भएको प्रहरीले जनाएको छ । गुल्मी जिल्लामा ३ वटा दुर्घटना भएकोमा ३ जनाको मृत्यु भएको छ भने पुर्वी रुकुममा ३ वटा दुर्घटना भएकोमा ७ जनाको मृत्यु भएको छ भने ८ जना घाईते भएको ट्राफिक प्रहरीको तथ्यांक छ । विशेष गरेर तराई क्षेत्रमा दुई पाँग्रे मोटरसाईकलबाट धेरै दुर्घटना भैरहेको ट्राफिक प्रहरीको भनाई छ ।

तीव्र गतिका कारण सवारी नियन्त्रण हुन नसकेर, ट्राफिक लेनको प्रयोग नगर्दा धेरै दुर्घटना हुने गरेको पाइएको हो । लम्बिनी प्रदेशमा कुल ३ सय ९८ दुर्घटना भएकोमा दुई पाँग्रे मोटरसाईकल मात्र २ सय ४० रहेको नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलका सूचना अधिकारी प्रहरी निरीक्षक अमृत भण्डारीले बताए ।

दुर्घटनाको मुख्य कारण भनेको चालकको लापरवाही, सडकको दुरावस्था, तीब्र गति, ट्राफिक लेनको प्रयोग नगर्दा दुर्घटना हुने गरेको उनले बताए । दुर्घटना न्युनीकरण गर्न विभिन्न जिल्लाहरुमा विभिन्न खालका सवारी साधनका चालक तथा सहचालकहरुलाई ट्राफिक नियमको बारेमा पढाउने प्रशिक्षण समेत गराउँदै आएको भण्डारीले बताए ।