खोज

स्वस्तिक श्रेष्ठ
बुटवल, २० मंसिर ।

रुपन्देहीमा जारी कारोलिनास रुपन्देही जुनियर स्टार क्रिकेट लिग २०७९ मा देवदह ड्रेगन पहिलो स्थानमा कायम रहेको छ । लिगको पहिलो चरणको ४ खेलहरु सकिदा देवदहले ३ मा जित निकाल्दै ६ अंकसहित ३.६०२ रनरेटका साथ पहिलो स्थानमा रहन सफल भएको हो । यसैगरी जिबिआईसिए सैनामैना ३ जित र एक हारसहित ६ अंकसहित २.९६५ रनरेटसहित दोस्रो स्थानमा छ । ओमसतिया स्टार्स भने ४ खेलमध्ये २ जित र दुई हार खेल्दै ४ अंकसहित ३.६६५ रनरेटसहित अंक तालिकाको तेस्रो स्थानमा रहेको छ । यसैगरी सिद्धार्थ वरियर्स पनि २ जित र २ हार खेल्दै ४ अंकसहित २.९१६ रनरेट चौथो, तिलोत्तमा टाईटन्स २ जित २ हार खेल्दै ४ अंकसहित पाचौ तथा बुटवल युनाईटेड ४ खेलमै हार ब्यहोर्दै अंकतालिकाको पुछारमा रहेको छ ।

स्टार क्रिकेट एकेडेमीको आयोजनामा देवदहस्थित क्रिकेट मैदानमा जारी प्रतियोगिताको टप रन स्कोरको सूचीमा देवदहका शेजाद आलम उक्लिएका छन । उनले ६६.६७ को एभरेजमा २ सय रन बनाउँदै पहिलो स्थानमा रहेका हुन । तिलोत्तमाका सन्दिप यादव १ सय १७ रन बनाउँदै ३९ एभरेजसहित दोस्रो, तिलोत्तमा अलराउण्डर बिप्रसन केसी १ सय २ रन बनाउँदै ३४ एभरेजका साथ तेस्रो, सिद्धार्थनगर वारियर्सका अभिषेक यादव ९४ रनसहित २३.५ एभरेजका साथ चौथेै तथा ओमसतिया स्टार्सका नन्दलाल चाई ९१ रनसहित २३.५ एभेरेजका साथ पाँचौ स्थानमा रहेका छन् ।

यसैगरी उत्कृष्ट बलिङमा तिलोत्तमाका विपर्सन केसी १३ विकेट बनाउँदै पहिलो स्थान, सिद्धार्थनगर वारियर्स अर्जुन करुस ९ विकेटसहित दोस्रो, ओमसतियाका सुभम खनाल ९ बिकेट सहित तेस्रो, सैनामैनाका अमित अधिकारी ९ विकेटसहित चौथो तथा ओमसतियाका निरज मौर्या ७ विकेटसहित पाँचौ स्थानमा रहेका छन् ।

प्रतियोगितामा मदन भण्डारी स्पोर्टस एकेडेमीबाट प्रतियोगिताको प्रथम र द्वितिय पुरस्कार तथा स्थानीय विद्यालयहरुबाट खेलाडीको ड्रेस सहयोग भएको स्टार एकेडेमीका संचालक तथा पुर्व नेपाली राष्ट्रिय क्रिकेट खेलाडी शक्ति गौचनले बताए । प्रतियोगिताको उपाधि विजेता टिमले नगद २० हजार रुपैयाँ, कप, मेडल, प्रमाणपत्र तथा उपविजेता टिमले नगद १० हजार रुपैयाँ कप, मेडल, प्रमाणपत्रबाट पुरस्कृत गरिने उनले बताए । यसैगरी विधागत रुपमा उत्कृष्ट खेलाडीहरुलाई समेत पुरस्कृत गरिने उनले बताए । प्रतियोगितामा सिद्धार्थनगर वारियर्स, ओमसतिया स्टार्स, तिलोत्तमा टाईटन्स, बुटवल युनाईटेड, देवदह ड्रागन र जिबिआईसिए सैनामैना गरी ६ टिमहरु बीचमा खेल भैरहेको छ ।