© २०२३
२९ मंसिर २०८२, सोमबार
२९ मंसिर २०८२, सोमबार
पश्चिम नवलपरासी, १८ मंसिर ।
पश्चिम नवलपरासीको प्रतापपुरमा उखु खेतिमा आगो लाग्दा झन्डै १३ लाख रुपैयाँ बराबरको क्षति भएको छ । प्रतापपुर ५ बेतहानीमा आइतबार दिउँसो स्थानीय सात जना किसानको ४ विगाहा ८ कठ्ठा क्षेत्रफलमा लगाईएको उखुमा आगो लाग्दा १२ लाख ९८ हजार बराबरको क्षति भएको हो ।
स्थानीय र प्रहरीको सहयोगले आगो नियन्त्रणमा लिएपनि आगो के कति कारणले लागेको हो भन्ने नखुलेको प्रहरीले जनाएको छ । सो आगलागीमा सबैभन्दा बढी बेलास सिंहको दुई विगाहामा लगाएको उखु जलेर नष्ट भएको ईलाका प्रहरी कार्यालय बेलाटारीका प्रहरी निरीक्षक नवराज केसीले जानकारी दिए । यसैगरी भिकारी कुर्मीको १६ कट्ठा, जुगुल गुप्ताको ७, रामदुलार लोनियाको ५, सञ्जय पासीको १२, महेन्द्र पासी र रविन्द्र पासीको ४÷४ कट्ठामा लगाईएको उखु बालीमा आगो लागेको हो ।
अहिले उखु क्रसिङ्ग गर्ने समय भएकाले किसानहरु उखु काटेर बेच्ने तयारीमा रहेका बेला उखु खेतमा आगो लागेपछि चिन्तित भएका छन् । आगो फैलिएपछि प्रहरी र स्थानीयले उखु खेतको बीचमा उखु फाँडेर अग्नी रेखा बनाई आगो नियन्त्रणमा लिएका थिए ।
© २०२३
सर्वाधिकार सुरक्षित
Design & Developed By:
