खोज

चन्द्रौटा(कपिलवस्तु), १६ मंसिर ।

कपिलवस्तुको शिवराज नगरपालिका–५, चन्द्रौटामा बालश्रम शोषण तथा दासता विरुद्धको सडक ¥याली निकालिएको छ । अन्तर्राष्ट्रिय दासता उन्मुलन दिवसको अवसरमा शुक्रबार कार्यक्रम गरिएको नगरपालिकाले जनाएको छ ।

“सभ्य समाजको पहिचान ः लैङ्गिक हिंसा विरुद्धको अभियान” भन्ने मूल नाराका नगरपालिकाले आयोजना गरेको कार्यक्रममा शान्ति पुनस्र्थापना गृह कपिलवस्तु, सामाजिक विकास मञ्च र किर्डाक नेपाल लगायत संस्थाहरु सहभागी भइ चन्द्रौटा बजार परिक्रमा गरी कार्यक्रम चोकमा कोणसभा परिणत भएको हो ।

कार्यक्रमलाई सम्बोधन गर्दै शिवराज नगर उपप्रमुख शिवकुमारी थारुले १६ दिने अभियानमा मात्रै नभएर लैंगिक हिंसा लगायत अन्य आपराधिक गतिविधि नियन्त्रणमा लागेको बताइन् । यस अभियानले सभ्य समाज निर्माणमा अह्म भूमिका खेल्ने गरेकोले यसलाई निरन्तरता दिएको उनले दावी गरिन् ।

यस क्षेत्रमा १६ दिनका लागि आम नागरिकलाई सुसुचित गर्न सबै संघ संस्थाले प्रभावकारी भूमिका खेलेको समेत उनले उल्लेख गरिन् । विशेषगरी पिछडिएका अशिक्षित समुदायलाई मूलधारमा ल्याउने प्रयासमा रहेको उपप्रमुख थारुले जनाइन् ।

यसैबीच चन्द्रौटा उद्योग वाणिज्य संघ कपिलवस्तुका अध्यक्ष ईश्वरी पाण्डेले कोणसभालाई सम्बोधन गर्दै पछिल्लो हिंसाका घटना न्यूनीकरण भएको जनाउँदै आगामी दिनमा ग्रामीण भेगमा आवश्यक रहेको बताए । कुनै एउटा संस्था मात्र नभएर सबैले आ–आफ्नो ठाउँबाट हिंसा नहुने भूमिका खेल्नुपर्ने उनले बताए ।

शिक्षाको पहुँच नभएका क्षेत्रलाई मध्यनजर गर्दै सचेतना मुलक कार्यक्रम गर्नुपर्ने अध्यक्ष पाण्डेले जिकिर गरे । यसैबीच मानव अधिकार प्रतिष्ठान कपिलवस्तुका अध्यक्ष विष्णुप्रसाद खतिवडाले बालश्रम शोषण लगायत हिंसा सबै मिली अत्य गर्नुपर्नेमा जोडदिए ।