खोज

बुटवल, १६ मंसिर ।

जिल्ला प्रहरी कार्यालय पश्चिम नवलपरासीले अवैध चोरी तस्करी नियन्त्रणको क्रममा गएको पाँच महिनामा दुई करोड मूल्य बढीको सामान भन्सारमा बुझाएको छ ।

भारतबाट हुने चोरी तस्करी नियन्त्रणमा लागेको प्रहरीले जिल्लाभित्र हुने नदीजन्य पदार्थको चोरी होस् वा अवैध वनफँडानी गरी हुने काठ तस्करी नियन्त्रणमा समेत प्रहरीले सफलता पाएको छ । अवैध खोलानालामा नदीजन्य पदार्थ चोरी काठ तस्करीमा प्रयोग गरिएको १३ वटा वटा सवारी साधनलाई कारवाहीको दायरामा ल्याई जरिवाना गरेको छ ।
जिल्ला प्रहरी कार्यालय नवलपरासीका अनुसार साउन महिनामा ३० लाख ५८ हजार २ सय ३० रुपियाँ बराबरको भारतबाट चोरी तस्करी भएर आएको सामान चिनी, कपडा, भाँडाकँुडा जस्ता सामान बरामद गरी भन्सार बुझाएको छ । भदौ महिनामा प्रहरीले नबलपरासीका विभिन्न क्षेत्रबाट १४ लाख ६६ हजार ३ सय ७० रुपियाँ मूल्यको अवैध सामान नियन्त्रणमा लिएर भन्सार पठाएको छ भने जिल्लाभित्र नदीजन्य पदार्थ चोरी तस्करीबाट १ लाख ९० हजार मूल्यको काठ तस्करीबाट १८ हजार ६ गरी १६ लाख ७४ हजार ९ सय ७० बराबरको राजश्व दाखिला गरेको छ ।

असोज महिनामा १२ लाख ५४ हजार ९ सय ८० रुपियाँ बराबरको भारतबाट चोरी तस्करीको सामान भन्सार बुझाएको प्रहरीले नदीजन्य पदार्थबाट १ लाख १५ हजार मूल्यको अवैध काठ नियन्त्रणबाट २३ हजार गरी १२ लाख ९२ हजार ९ सय ८० बराबरको राजश्व दाखिला गरेको हो ।
कात्तिक महिनामा प्रहरीले भारतबाट चोरी तस्करी हँुदै नेपाल भित्रिएको १ करोड २१ लाख ८० हजार २ सय ७१ मूल्य बराबरको सामान बरामद गरी भन्सार कार्यालय बुझाएको छ ।

ढुंगा, गिट,ी बालुवा तस्करी नियन्त्रणका क्रममा १ लाख १५ हजार काठ चोरी नियन्त्रणमा ३९ हजार ९ सय ३० गरी कुल १ करोड २३ लाख ३४ हजार ४ सय १ बराबरको राजश्व जम्मा भएको प्रहरीले जनाएको छ । मसिर महिनाको १५ दिनमा १८ लाख बराबरको चोरी तस्करीको सामान बरामद गरिएको जिल्ला प्रहरी कार्यालयका सूचना अधिकारी प्रहरी नायब उपरीक्षक भोजराज पाण्डेले बताए ।

भारतबाट चोरी तस्करी भएर आउने सामान मध्ये चिनीको मात्रा धेरै रहेको भन्दै सूचना अधिकारी पाण्डेले भन्नुभयो–“लत्ता कपडा हार्डवेयरका सामानहरु, धाराहरु समेत तस्करी भएर आउने गरेका छन् ।” प्रहरीका अनुसार खुल्ला सिमानाका कारण चोरी चस्करी नियन्त्रणमा केही कठिनाई भैरहेको छ ।