खोज

बुटवल, १० मंसिर ।

रुपन्देहीको तिलोत्तममा यही मंसिर १५ देखि २६ गतेसम्म दोस्रो राष्ट्रि«य औद्योगिक ब्यापार मेला, कृषि तथा पर्यटन महोत्सव २०७९ हुने भएको छ । कोभिड १९ को कारण उपयुक्त वातावरणमा मेला संचालन गर्न नपाएका उद्योगी ब्यवसायीले यसपटक मंसिर १५ बाटै मेला सुरु गर्ने भएका हुन् ।

तिलोत्तमा उद्योग ब्यापार संगठनको आयोजना तथा तिलोत्तमा चेम्बर अफ कमर्श, तिलोत्तमा उद्योग बाणिज्य संघको सहआयोजनामा मेला हुन लागेको मेला मूल आयोजक समितिका संयोजक एवं तिलोत्तमा उद्योग ब्यापार संगठनका अध्यक्ष प्रेम जीएमले जानकारी दिए ।

जीएमका अनुसार मेलामा विभिन्न प्रकृतिका ३ सय स्टलहरु रहने छन् । शनिबार आयोजित पत्रकार सम्मेलनमा मेलाको तयारी करिव ७५ प्रतिशत पूरा भएको जानकारी गराइएको छ । मेलाको करिब ५ लाख दर्शक उपभोक्ताले अवलोकन गर्ने र २५ करोडको आर्थिक कारोबार गर्ने लक्ष्य लिइएको जीएमले बताए । मेलामा विभिन्न गतिविधिहरु गरिने छन् । मेलामा महिला कुस्ती प्रतियोगिता, मम्मी डान्स, डान्स आइडल तथा विभिन्न विधाका प्रतियोगिताहरु राखिने जीमले उल्लेख गरे । मेलामा आकर्षक सेल्फी जोनको पनि निर्माण गरिने र आकर्षक प्यागोडा शैलीको गेट समेत निर्माण गरिने उनले उल्लेख गरे । मेलाले औद्योगिक बिकासमा टेवा पुर्याउने उनले विश्वास ब्यक्त गरे ।

मेला अवधिभर स्थानीय तथा राष्ट्रिय कलाकारहरुको सांगीतिक प्रस्तुति रहने छ । मेलामा विद्यालयक स्तरका नृत्य प्रतियोगिता समेत राखिएको छ ।

कोभिड १९ पछि खुलेर मेला संचालन नभएको अवस्थामा यो मेला सबैका लागि आकर्षक हुने तिलोत्तमा चेम्बर अफ कमर्शका अध्यक्ष बाबुलाल भुसालले उल्लेख गरे । आम उपभोक्ता र ब्यापारी ब्यवसायीलाई नजिक बनाउन यो मेलाले सहज भुमिका खेल्ने विश्वास उनले ब्यक्त गरे । मेलामा कृषि र पर्यटनलाई पनि टेवा पुग्ने गरी स्टलहरु सहभागी गराईने भएको छ ।

पत्रकार सम्मेलनमा नेपाल राष्ट्रिय उद्योग व्यापार महासंघका महासचिव खिमनारायण पराजुलीले अहिले मुलुकको आर्थिक अवस्था खस्कंदै गएको र मुलुक परनिर्भर बन्दै गएको अवस्थामा मेला आयोजना गर्न लागिएको र यसले स्वदेशी उत्पादनको प्रवद्र्धन, आत्मनिर्भर अर्थतन्त्रको विकासमा टेवा पु¥याउनुका साथै आयात प्रतिष्थापन गर्न महत्वपूर्ण सन्देश दिने बताए ।