खोज

बुटवल, ३ मंसिर ।

पाँच वर्ष अन्तरमा आएको प्रतिनिधि सभा र प्रदेश सभा निर्वाचनसँंगै आम नागरिकमा उत्साह जागेको छ । रुपन्देहीको पाँच निर्वाचन क्षेत्रको सबै निर्वाचन केन्द्रहरुको तयारी पूरा भएको छ । एक जना मतदाताले प्रतिनिधि सभा, प्रदेश सभा र समानुपातिक गरी ४ वटा मतपत्रमा यसपटक मतदान गर्ने छन् ।

सधै जसरी नै यसपटक पनि मतदातालाई मतदान शिक्षा, सचेतना कार्यक्रम घरदैलोमा पुर्याउन नसकिएको अवस्था छ । अधिकाश मतदान केन्द्र तयारी अवस्थामा रहेको छ । मतदान अधिकृत, प्रहरी प्रशासनसहितको टोलीबाट धमाधम बुथ बनाउने, तार लगाउने जस्ता काम साझ अबेरसम्म भएको थियो ।

बुटवल १० का टंक कुमार खड्काले पाच वर्षमा आएको भएपनि स्थानीय निर्वाचनमा जस्तो उत्साह नभएको बताए । यो प्रतिनिधि सभा निर्वाचन भएको हुँदा दीर्घकालीन योजना बनाउन सक्ने, विकासप्रेमी र नीति नियम बनाउने उम्मेदवार छनौट गर्ने उनले बताए । यता रामनगरका पार्वती शाहीले पाँच वर्ष अघि गरेको गल्ती नदोहो¥याउने दाबी गरिन् । आफुहरु निकै उत्साहित भएर सचेत नागरिक भएर लागेको भन्दै विकास र निकासको बाटो खुल्ने गरी उम्मेदवार रोज्ने उनले बताइन् । बौद्धिक रुपमा बच्चा, युवालाई समेट्ने योजनाकारलाई रोज्ने उनले बताइन् ।

देबिनगरका प्रेम बहादुर बस्नेतले निर्वाचनले आफूमा उत्साह थपिएको बताए । संघीय संसदबाट नया नीति नियम बनाउने नेता पठाउने अवसरका रुपमा लिएको उनले बताए । सक्षम, योग्य, जनपक्षिय, योजनाकार, स्वच्छ छवि भएको उम्मेदवार छनौट गर्ने गरी गाउँघरमा चर्चा भएको उनले बताए ।

राजनीतिक दलहरुमा पनि समाजमा राम्रो काम गर्न नसकेको गुनासो सुनिएको दुखेसो गर्दै असल उम्मेदवार चुन्ने उनले बताए । रुपन्देहीको निर्वाचनमा बुटवल उपमहानगरपालिका वडा नं. ११ देविनगरको मत निर्णायक मानिन्छ । देविनगरस्थित लुम्बिनी वाणिज्य क्याम्पसमा १६ वटा मतदान केन्द्र राखिदै आएकोमा यसपटक वाणिज्य क्याम्पस र नविन औद्योगिक माविमा गरी आठ–आठ वटा केन्द्र राखिएको छ ।

राजनीतिक दलहरुमा पनि समाजमा राम्रो काम गर्न नसकेको गुनासो सुनिएको दुखेसो गर्दै असल उम्मेदवार चुन्ने उनले बताए । रुपन्देहीको निर्वाचनमा बुटवल उपमहानगरपालिका वडा नं. ११ देविनगरको मत निर्णायक मानिन्छ ।

देविनगरस्थित लुम्बिनी वाणिज्य क्याम्पसमा १६ वटा मतदान केन्द्र राखिदै आएकोमा यसपटक वाणिज्य क्याम्पस र नविन औद्योगिक माविमा गरी आठ–आठ वटा केन्द्र राखिएको छ ।