खोज

बुटवल, १४ कात्तिक

लर्ड बुटवलमा मादक पदार्थ सेवन गरी सवारी दुर्घटना गराउने पिडक विरुद्ध उजुरी नलिएको पीडित पक्षको गुनासो गरेका छन । सोमबार ईलाका प्रहरी कार्यालय बुटवलमा उजुरी दिन गएका पीडित पक्षको माग प्रति प्रहरी प्रशासन गम्भीर नभएको उनीहरुले गुनासो गरेका हन् ।

पीडितको कुरा सुन्नुको साटो ईलाका प्रहरी कार्यालय बुटवलका प्रहरी नायव उपरीक्षक ठग बहादुर केसीले निवेदन नै लिन ईन्कार गरेको घाईते दिपक पुनका दाजु मन बहादुर पुनले गुनासो गरे । “डिएसपी साबले यो घटनाबारे मैले टिकटकमा हेरेर थाहा पाएको भन्नुभयो”–उनले दुःखेसो गरे । भाई दिपक पुनको टाउकोमा १६ वटा टाँका लगाएको र अन्य धेरै चोट रहेको उनले बताए । हाम्रो मुद्दा दर्ता भएर आवश्यक कानुनी उपचार पाउनुपर्ने उनको भनाई छ । ‘पिडक पक्षले गल्ती स्वीकार गरेर घाईते भाईको उपचारमा लागेको खर्च ब्यहोर्नुपर्ने एकमात्र माग हाम्रो हो’– उनले भने ।

बुटवल कालिकानगरमा भएको घटनाको जिम्मेवार निकाय वडा कार्यालय भएपनि घटनालाई राजनीतिकरण गरिएको पीडित पक्षका एक विजय सेनको दाबी छ । जिल्लामा मुद्दा दर्ता भएको भन्दै उतै जान आदेश दिनु गलत भएको सेनले बताए । बुटवलमा घटना भएको र यो हेर्ने क्षेत्र ईलाका हुँदा पनि जिल्ला प्रहरी कार्यालयमा जानु भन्नु नै गलत भएको उनी बताउँछन् । सत्ता र शक्तिको बलमा दुरुपयोग हुने गरी प्रहरी प्रशासन संचालन भएको उनले दुःखेसो गरे ।

‘ब्याक गर्न लाग्दा झुक्किएर दुर्घटना भएको प्रहरीले मुचुल्का उठाएको छ’– पीडितका आफन्त अनुप श्रेष्ठले भने । सिसिटिभी फुटेजबाट प्रष्ट नै देखिएको घटनाप्रति प्रहरी प्रशासनले एक्सन लिन आनाकानी गरेको उनले बताए । मदिरा सेवन गरी दुर्घटना गराएको प्रष्ट देखिएको उनले बताए ।

दुर्घटनामा परेर कुनाल श्रेष्ठको करङको आठ नम्बर हड्डीमा चोट लागेर तिनाउ अस्पतालमा उपचार भइरहेको छ । उता मनोज थापाको टाउको, हातखुटामा चोट लागेको छ । उनको चौराहा अस्पतालमा उपचार भैरहेको छ । शनिबार बिहान भएको दुर्घटनामा पार्किङमा राखिएको सिद्धार्थ श्रेष्ठको नाममा रहेको ११ लाख रुपैयाँ मूल्यको बेनेली ३०० सिसिको बाईक समेत ध्वष्त भएको छ । ‘नम्बर समेत लेखाउन पाएको थिएन’– श्रेष्ठले भने । बाईक पूर्णरुपमा काम नलाग्ने भएको उनले बताए ।

यसैगरी रुद्र रानाको लु ४१ प ९१७२ स्कुटी समेत पूर्णरुपमा क्षति पुगेको छ । लर्डमा शो हेर्न गएको छोराले पार्किङ गरी राखेको अवस्थामा स्कुटीलाई सवारीले हानेको थियो । घाईतको उपचार र क्षति भएका सवारी साधनको क्षतिपूर्ति दिनुपर्ने उनीहरुको माग छ ।
यता इलाका प्रहरी कार्यालय बुटवलका प्रहरी नायव उपरीक्षक ठग बहादुर केसीले भने पिडक पक्ष जिल्ला प्रहरी कार्यालयमा रहेकाले त्यहाँबाट मुद्या गर्न सुझाव दिएको बताए । “वडा प्रहरी कार्यालय बुटवलमा मंगलबार बिहान ८ बजे दुवै पक्षलाई छलफलका लागि बोलाइएको छ, सम्बन्धित पक्षले न्याय पाउने मुख्य कुरा हो, घटनालाई चर्काउने गरी कोही नलागौं”–उनले भने ।

नेपालीहरुको दोस्रो ठुलो चाड तिहारको रमझममा बुटवल झुलिरहेको थियो । यही माहौललाई रंगिन बनाउन १२ गते शुक्रबार साझ लर्ड बुटवलमा एक्स मन्त्रको शो राखिएको थियो । उनका फयानहरु लर्डमा टिकट लिएर रमाईलो गर्ने मुडमा थिए । राती अबेर सुरु भएको शो रमझममा रहेका युवाहरु बिहान ३ बजे कार्यक्रम सकेर निस्के । यस्तोमा एकाएक रोहित ज्वारचनले मादक पदार्थ सेवन गरी चलाएको सवारी साधनले ब्याक गियरमा आधा दर्जन सवारीसहित ६ जनालाई घाईते बनाउने गरी दुर्घटना गरायो । त्यहाँ रहेका मानिसहरु अलमलमा परे । केहीले बिरामीलाई अस्पतालमा लगे भने । आक्रोशमा रहेका भिडले दुर्घटना गराउने सवारी साधनलाई तोडफोड ग¥यो । निकेश यादवको नाममा रहेको सवारीले दुर्घटना गराएको त्यहा रहेका प्रहरी नै बताउँछन् । निकेश काँग्रेस नेता प्रमोद यादवमा भतिजा हुन् ।