खोज

नवलपुर । सडक अनुशासन तथा सवारी दुर्घटना न्यूनिकरणका लागि नवलपुर सहित गण्डकीका  ११ वटा जिल्लामा ट्राफिक सप्ताह एकै साथ सुरु भएको छ । ट्राफिक प्रहरीको चाहाना दुर्घटना मुक्त्त समाजको कामना ,सुरक्षित सडक, सुरक्षित नवलपुर’ भन्ने मूल नाराका साथ नवलपुरको सदरमुकाम कावासोतीमा पनि विभिन्न कार्यक्रम गरी ट्राफिक सप्ताह सुरु गरिएको छ ।

नवलपुरमा मात्र हप्तामा ‍औसतमा दुई वटा ठूला दुर्घटना हुँदा एक जनाको मृत्यु हुने गरेको छ । त्यसैले सडक दुर्घटना सम्बन्धि सचेतना बढाइ सात लाख मानिसमा सचेतना फैलाउने उद्देश्यले सप्ताहव्यापी सचेतना कार्यक्रम आयोजना गरिएको जिल्ला ट्राफिक प्रहरी कार्यालय नवलपुरका प्रमुख अच्युतराज आचार्यले बताए ।

दैनिक सवारी दुर्घटना बढिरहेका बेला आफू र आफ्नो घरबाटै ट्राफिक सचेतना बढाऔं भन्ने उद्देश्यले कार्यक्रमको आयोजना गरिएको प्रमुख आर्चायले बताए । पूर्व पश्चिम राजमार्ग सगै भित्रि सडकमा सवारी दुर्घटना बढ्ने भएकाले सर्वसाधारण, विद्यार्थी, सवारी चालक, सहचालक, व्यवसायि लगाएतकालाई ट्राफिक नियम पालना सम्बन्धि सचेतना दिएको आचार्यको भनाई छ । हालसम्म सर्वसाधारण चार हजार पाँच सय ८३, विद्यार्थी १३ हजार ७ सय १९, नयाँ चालक दुई हजार ३८३, चालकयात्रु ७७ हजार पाँच सय ६८, लाई सचेतना कार्यक्रम गरि प्रशिक्षण दिइएको छ ।

सप्ताहव्यापी कार्यक्रम अन्र्तगत प्रचार पम्लेट वितरण, अव्यवस्थित पार्किङ हटाउने , चालक परिचालक प्रशिक्षण, यात्रु सचेतनामा प्रशिक्षण, सिट क्षमता आरक्षण अनुगमन, सडक प्रयोगकर्ता, सेना शसस्त्र प्रहरी , विद्यार्थीलाई प्रशिक्षण ,साना तथा ठुला सवारीमा स्टिकर टाँस गर्नै, सवारी चालकको स्वास्थ्य परिक्षण , सवारीको यान्त्रिक परिक्षण ,ग्रामिण भेगमा सचेतनाका कार्यक्रम गरिने जिल्ला ट्राफिक कार्यालयका सुचना अधिकारी लेखनाथ पुरीले जानकारी दिएका छन ।

सुरक्षित सुरक्षा सडक र सवारी ट्राफिक हामि सबैको व्यवस्थापनमा सडक सुरक्षा व्यबस्थापनको माध्यमबाट सडक दुर्घटना न्यूनीकरण एवम् सडक अनुशासन कायम गर्दै सुरक्षित यात्राको सुनिश्चितता गर्ने अभिप्रायले सञ्चालित गण्डकी प्रदेश स्तरीय ट्राफिक सप्ताह २०८१ को अवसरमा सञ्चालित विभिन्न कार्यक्रमहरूको सकारात्मक समिक्षा गर्दै आगामी दिनहरुमा सडक सुरक्षा सन्दर्भमा हामी आ-आफ्नो जिम्मेवारी अनुसारको कार्य गर्न र नेतृत्व लिन प्रतिवद्धता गर्दै ट्राफिक सप्ताहा सम्पन्न भएको जिल्ला ट्राफिक प्रहरी कार्यालय नवलपुरका प्रमुख अच्युतराज आचार्यले बताए ।