खोज

बुटवल, २५ फागुन ।

महिला सशक्तिकरणका लागि खेलकुद नारासहित बुटवलमा ५ किलोमिटर खुला महिला दौड गरिएको छ । ११४ औ अन्तर्राष्ट्रिय महिला दिवसको अवसरमा प्रदेश खेलकुद परिषद लुम्बिनीको प्रवद्र्धन, बुटवल उपमहानगरपालिकाको सहयोग तथा रेडियो मुक्ति ९५.५ को आयोजना शुक्रबार बुटवलमा ५ किलोमिटर खुला महिला दौड प्रतियोगिता २०८० गरिएको हो । दौड प्रतियोगितामा कालिका मानवज्ञान माविकी प्रकृति घिमिरे २२ मिनेट ५७ सेकेण्डमा दुरी पार गर्दै प्रथम भईन् । घिमिरेले नगद १२ हजार रुपैया मेडल र प्रमाणपत्र प्राप्त गरिन् ।

नेपाल प्रहरीकी पुनम खड्का क्षेत्री २३ मिनेट ११ सेकेण्डमा दुरी पार गर्दै दोस्रो हुँदै नगद ९ हजार रुपैया नगद, मेडल र प्रमाणपत्र प्राप्त गरिन् ।

दिप बोर्डिङ्ग हाई स्कुलकी देवी बुढा २७ मिनेट १२ सेकेण्डमा दुरी पार गर्दै तृतीय हुँदै नगद नगद ५ हजार रुपैया, कालिका मानवज्ञान माविकी कृति पराजुली २७ मिनेट १७ सेकेण्डमा निर्धारित दुरी पार गर्दै चौथो हुदै नगद ३ हजार रुपैया, प्रमाणपत्रबाट पुरस्कृत भईन् । त्यस्तै बुटवल उपमहानगरपालिकाका पुजा थारु पाँचौ, लुम्बिनी प्रादेशिक अस्पतालमा कार्यरत ममता पाण्डे छैठो हुदै नगद २ हजार, प्रमाणपत्रबाट पुरस्कृत भईन् ।

कार्यक्रमको एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले उत्पादनमूलक कार्यक्रमलाई जोड दिएको उनले बताए । हरेक घरमा रोजगार ल्याउने गरी अभियान थालेको उनले बताए । उपप्रमुख उद्यमशिलता कार्यक्रम ल्याएर विपन्न परिवारहरुलाई आम्दानी गर्ने, बचत गर्ने, आत्मनिर्भर बनाउने अभियान थालेको उनले बताए । खेलकुदमा महिला समेट्ने गरि विभिन्न गतिविधिमा जोड दिएको उनले बताए । घरघरमा महिला सक्षम नभएसम्म, आत्मनिर्भर नभएसम्म समाजमा स्थापित हुन नसक्ने भन्दै यस्ता अभियानका पालिकाबाट बजेट बिनियोजन गरिएको उनले बताए ।

कार्यक्रममा प्रदेश खेलकुद परिषद लुम्बिनीका सदस्य सचिव जयप्रकाश भट्टराईले विजयको खुशीयालीमा शुरुवात भएको बताए । विश्वमा नै सबैभन्दा बढि खेलिने ओलम्पिकमा सबैभन्दा पहिले दर्ज भएको खेल भएको उनले बताए ।

कार्यक्रममा उपप्रमुख सावित्रादेवी अर्याल, मानव अधिकार एलायन्सका अध्यक्ष माधव सापकोटाले खेलकुद शारीरिक र मानसिक स्वस्थ्यका लागि उपयोगी हुने बताए ।

प्रदेश प्रमुख कार्यालयबाट शुरु भएको दौड मिलनचोक फाईनान्स पुगेर पुनः प्रदेश प्रमुख कार्यालयमा पुगेर समापन गरिएको थियो ।

कार्यक्रममा सबैभन्दा कम उमेरकी लक्ष्मी माविमा अध्यरनरत १२ वर्षकी बिनिता मुखियालाई नगद रु १ हजार र प्रमाणपत्र र सबै भन्दा बढी उमेरका ४५ वर्षबाट माथि ५ किलोमिटर दौड पूरा गरेकोमा इनरव्हिल क्लब अफ मिडटाउनका पार्वती पंगेनी, एकल महिला समूह रुपन्देहीकी रिता सेन, लुम्बिनी प्रादेशिक अस्पतालकी गोमा सुवेदी, प्रगतिशिल महिला सहकारीकी मन्जु थारुलाई सम्मान गरिएको थियो । कार्यक्रममा ३५० महिलाको सहभागिता रहेको थियो ।