खोज

बुटवल, ६ भदौ ।

नेपाली सेनाको आयोजनामा राष्ट्रपति चुरे तराई मधेश सरक्षण विकास कार्यक्रम अन्तर्गत गैडहवा ताल पुनः निर्माण गरी नेपाली सेनाद्वारा गाउँपालिकालाई हस्तान्तरण कार्यक्रम सम्पन्न भएको छ ।

एक कार्यक्रमका बीच ताल पुननिर्माण गरी गाउँपालिकालाई हस्तान्तरण गरिएको राष्ट्रपति चुरे तराई मधेश सरक्षण विकास समितिका अध्यक्ष किरण पौडेलले बताए । त्यस अवसरमा बोल्दै कालिभक्त गण (इ) भैरहवाका रथि सिताराम खड्काले ताल संरक्षणले पर्यटन प्रवद्र्धन सँगै जैविक विविधता पनि बढेर जाने र यस्ता खाले ठुला जल संरक्षणले पानीको सतहलाई मात्रै नभै सिङ्गो वातावरणलाई फाइदा हुने बताए ।

गैडहवा गाउँपालिकाका अध्यक्ष सुरेन्द्र पौडेलले ताल हस्तान्तरण कार्यक्रममा बोल्दै गौतमबुद्धको जन्मस्थल लुम्बिनीसंगै रहेकाले गैडहवा ताललाई पर्यटन प्रवद्र्धन र प्रचार प्रसार गर्न सबै संग आग्रह गरे । लुम्बिनी आउने आन्तरिक तथा बाह्य पर्यटकलाई जब सम्म गैडहवा ताल सम्म ल्याइदैन तब सम्म गैडहवाको उन्नति हुन नसक्ने हुनाले ताल संरक्षण सँगै प्रवद्र्धनमा लाग्न अनुरोध गरे ।

ताल गैडहवा गाउँपालिका वडा नम्बर ४ मा अवस्थित रहेको छ । राष्ट्रपति चुरे तराई मधेश सरक्षण विकास समितिबाट आर्थिक बर्ष २०७९÷८० को स्वीकृत बजेटबाट नेपाली सेनाले पुनः निर्माणको काम गरी गैडहवा ताल संरक्षण समितिलाई हस्तान्तरण गरेको हो ।