खोज

बुटवल, १२ बैशाख ।

सुशासनको प्रत्याभुति हुन सके मात्र लोकतन्त्रको सार्थकता रहने एक कार्यक्रममा बोल्ने बक्ताहरुले जोड दिएका छन् । नेपालमा लोकतन्त्र प्राप्तीको १७ बर्ष पुगेपनि प्राप्त उपलब्धिहरुको रक्षा हुन नसकेको उल्लेख गरे । लोकतन्त्र १७ औं लोकतन्त्र दिवसको सन्दर्भमा मानव अधिकार तथा शान्ति समाज रुपन्देही शाखाले बुटवलमा आयोजना गरेको राष्ट्रिय उत्सव ः लोकतन्त्र दिवस कि जनयुद्ध दिवस ? बिषयक अन्तत्र्रिmया कार्यक्रममा बोल्ने बक्ताहरुले सरकारले लोकतन्त्र दिवसमा सार्बजनिक बिदा नदिएकोमा आपत्ती प्रकट गरे ।

नागरिकहरूको प्रवल चाहना शान्ति भएकै कारण २०६२–२०६३ मा जनआन्दबोलनको सफलता पश्चात लोकतन्त्र प्राप्ती भएको र शान्ति समाजले खेलेको भूमिकाको प्रशंसा समेत गरिएको छ । समाजका रुपन्देही सभापति खिमप्रसाद भट्टराइ (कृष्ण)को अध्यक्षतामा भएको कार्यक्रममा बोल्दै मानव अधिकार तथा शान्ति समाजका केन्द्रीय निवर्तमान सभापति गोबिन्द खनालले दलहरुले सही भूमिका खेल्न नसकेको आरोप लगाए ।

उनले ठूला दलहरुकै कारण बितृष्णा फैलिएको उल्लेख गर्दै राष्ट्रिय उत्सव, लोकतन्त्र की जनयुद्ध दिवस भन्ने बारेको विवादलाइ साझा बिन्दुमा ल्याएर टुंगाउनुपर्ने बताए । सो अवसरमा नेपाली कांग्रेस युवा नेता प्रजापाल गिरीले सरकारले लोकतन्त्र दिवसलाइ महत्व नदिएको आभाष भएको बताए । एमाले युवा नेता बाबुराम पन्थीले आजको दिनमा सरकारले सार्बजनिक बिदा दिनुपर्ने धारणा राखे । नेकपाका विरेन्द्र बिकले जनयुद्ध दिवसबारेको गलत ब्याख्या नगर्न सरोकारवालाइ आग्रह गरे । उनले सबैले सबैखाले दिवस मनाउन पाउनुपर्ने उल्लेख गरे ।

शान्ति समाज रुपन्देही शाखा उपसभापति कपिल ज्ञवालीले अवधारणा पत्र प्रस्तुत गर्दै अहिले देखिएका सबैखाले विकृतिहरूलाई अन्त्य गरी राजनीतिलाई विकासमुखी बनाउन र सुशासनको अनुभुति दिनुपर्ने बताए ।

अन्तत्र्रिmया कार्यक्रममा बरिष्ठ पत्रकार तथा राससका पूर्व अध्यक्ष डा. बालकृष्ण चापागाइले जनयुद्ध वा लोकतन्त्र दुबैको महत्व आ–आफ्नै रहेको तर्क गरे ।

सो अबसरमा पत्रकार महासंघ रुपन्देही अध्यक्ष रामराज पोखरेल, प्रेस युनियन रुपन्देही अध्यक्ष रेखा भुसाल, सञ्चारिका समूह रुपन्देही अध्यक्ष निरु गौतम, होटल तथा रेष्टुरेन्ट ब्यबसायी संघ रुपन्देही अध्यक्ष लेखनाथ भण्डारी, लेखक ऋषि आजाद, अधिकारकर्मी रिता सेन ओली, समाजका सचिव कृष्ण पाण्डे, सदस्य अर्जुन कुवर, सीता पौडेल, प्रकाश भट्राई लगायतले बोलेका थिए । कार्यक्रममा करिब ९० जनाको सहभागिता रहेको थियो । समाजले बर्तमान सरकारले गरेका कतिपय निर्णयहरू राष्ट्र हितमा नभएको जनाएको छ ।