खोज

रूपन्देही, २० बैशाख ।

नेपाल नाट्य प्रतिस्ठान लुम्बिनी प्रदेशको अध्यक्षमा डाक्टर नारायण प्रसाद पन्थ सर्बसम्मत रूपमा चयन भएका छन् ।

नेपाल नाट्य प्रतिष्ठान पोखराद्वारा प्रकाशित नेपाली नाट्य विमर्श नाट्य ग्रन्थ लोकार्पण तथा सम्मान एबं सर्जकको रूपन्देही जिल्लाको बुटवलमा भएको भेलाले अध्यक्ष डाक्टर नारायण पन्थको नेतृत्वमा १५ सदस्यीय नयाँ नेतृत्व चयन गरेको छ ।

जसको उपाध्यक्षमा डाक्टर प्रेम प्रसाद तिवारी, सचिबमा भावना खनाल निर्बिरोध चयन भएका छन् । त्यसैगरी कोषाध्यक्षमा डिल्ली नारायण पान्डे र सह-सचिवमा राजु भुसाललाई प्रथम बैठकले मनोनीत गरेको छ ।

त्यसैगरी सदस्यहरूमा नारायण बियोगी, तिलक लामिछाने, हेमराज भुसाल, गणेश भण्डारी, राजेन्द्र कुवंर, इश्वरी प्रसाद पोख्रेल, आचार्य दयानिधी गौतम, शशि पन्थी, कमल पोख्रेल, डाक्टर अजित खनाल निर्बिरोध निर्बाचित भएको निर्बाचन समितीका सदस्य भोज खत्री(भोजु)ले जानकारी दिए ।

संरक्षकमा केन्द्रिय अध्यक्ष प्राध्यापक डाक्टर रामचन्द्र पोख्रेल, सल्लाहकारमा ऋषि आजाद, लोकनाथ उपाध्याय र बाल कृष्ण भण्डारी रहेको निर्बाचन समितिका संयोजक कवि डाक्टर शालिकराम पौड्यालले जानकारी दिए ।मन्तव्य राख्दै डाक्टर नारायण प्रसाद पन्थले लुम्बिनी प्रदेशले नाटक मंचन, प्रहसन, प्रकाशन लगायतका काम गर्ने प्रतिबद्धता व्यक्त गरे । पन्थले लुम्बिनी प्रदेशका नाटककारको बारेमा कृति प्रकाशन लगायतका कार्य गरि लुकेर रहेका सर्जक उजागर गर्ने बताए ।

कार्यक्रममा नाट्य बिमर्शका परिचर्चाकार प्राध्यापक डाक्टर रामनाथ ओझाले नेपाली नाटक बिधाको ऐतिहासिक कृतिका रूपमा यो कृति आएको र यसले नेपाली समालोचनाको इतिहासमा महत्त्वपूर्ण स्थान राख्ने बताए ।